İdman

Üzərində Messinin təsviri olan əsginaslar dövriyyəyə buraxılacaq

22 Dekabr 2022 09:06
Baxış: 2 035
VTB-də minimal faiz dərəcəsi ilə nağd kredit 10.49%-dən

Argentina milli bankının nümayəndələri milli komandanın kapitanı Lionel Messinin şəklini əsginaslara tətbiq etmək üçün variantları nəzərdən keçirirlər.

Milli.Az oxu.az-a istinadən xəbər verir ki, məlumata görə, bu yolla ölkədə millinin Qətərdə keçirilən 2022-ci il dünya çempionatındakı qələbəsini əbədiləşdirmək istəyirlər.

Ehtimal olunur ki, Messinin obrazı 1000 peso üzərində əks olunacaq. Bu, əsginasın nominalının Messinin çıxış etdiyi "10" nömrəsi ilə başlaması ilə bağlıdır. Pulun əks tərəfində isə Argentina millisinin baş məşqçisi Lionel Skaloninin ləqəbi olan "La Scaloneta" yazısının qeyd olunması planlaşdırılır.

Xatırladaq ki, Argentina dünya çempionatının finalında Fransa yığmasını məğlub edib. Bu, milli komanda üçün mundialdakı üçüncü çempionluq olub. Bundan əvvəl argentinalılar 1978 və 1986-cı illərdə kuboku başları üzərinə qaldırıblar.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.