Cəmiyyət

Heydər Əliyev Sarayı “II Azərbaycan Beynəlxalq Vokalçılar Festivalı”nı təqdim edəcək

12 Oktyabr 2021 10:56

0 Şərh Baxış: 998

VTB-də minimal faiz dərəcəsi ilə nağd kredit 9.9%-dən

Azərbaycan Respublikasının Mədəniyyət Nazirliyinin dəstəyi və Heydər Əliyev Sarayının təşkilatçılığı ilə 15-20 oktyabr 2021-ci il tarixlərində "II Azərbaycan Beynəlxalq Vokalçılar Festivalı"nı keçiriləcək. Layihənin ideya müəllifi və bədii rəhbəri Azərbaycan Respublikasının Əməkdar artisti Ramil Qasımov festivalın keçirilməsinin əsas məqsədinin Azərbaycan klassik vokal musiqisinin inkişafı və təbliği, gənc nəsildə yüksək musiqi zövqünün formalaşdırılması olduğunu bildirib: "Birinci festivaldan fərqli olaraq, bu ilki festival beynəlxalq status daşıyır və daha genişmiqyaslıdır. Çünki bu festivalda ən məşhur musiqiçilər və kollektivlər iştirak edəcəklər. İnanıram ki, "II Azərbaycan Beynəlxalq Vokalçıları Festivalı" maraqla qarşılanacaq, əsl musiqi bayramına çevriləcək və yaddaşlara həkk olunacaq".

Festival çərçivəsində Azərbaycan və dünya klassik musiqi incilərinin nümunələri ölkəmizin öncül musiqi kollektivlərinin müşayiətilə tanınmış Azərbaycan və xarici vokalçıların, eləcə də, istedadlı gənclərin ifasında təqdim olunacaq. Heydər Əliyev Sarayı, Azərbaycan Dövlət Akademik Opera və Balet Teatrı, Azərbaycan Dövlət Akademik Musiqili Teatrı, Azərbaycan Dövlət Akademik Filarmoniyası, Beynəlxalq Muğam Mərkəzi, Azərbaycan Milli Konservatoriyası, Bakı Musiqi Akademiyası və Gəncə Dövlət Filarmoniyasında bir-birindən maraqlı konsertlər, musiqili tamaşalar, romanslar, təqdimatlar, elmi-praktiki konfraslar, master-klasslar (ustad dərsləri) və s. təqdim olunacaqdır. Konsert proqramlarında dünya şöhrətli bəstəkarlar Ü.Hacıbəyli, Fikrət Əmirov, Niyazi, Müslüm Maqomayev, C.Verdi, Mozart, C.Puççini, A.Vivaldi, C.Bononçini, G.Hendel, K.Glük, A.Skarlatti, A.Monteverdi, C.Perqolezi və başqalarının əsərləri səsləndiriləcək.

Festivalın təntənəli açılışı oktyabrın 15-də Azərbaycan Dövlət Akademik Filarmoniyasının kamera və orqan musiqisi zalında baş tutacaq. Qara Qarayev adına Azərbaycan Dövlət Kamera Orkestrinin müşaiyətilə keçiriləcək tədbirin dirijoru, Əməkdar artist Əyyub Quliyevdir. Barokko musiqisi axşamında Respublikanın Xalq artistləri Samir Cəfərov, Gülnaz İsmayılova, Əməkdar artistlər Ramil Qasımov, Fəridə Məmmədova, İnarə Babayeva, Səbinə Əsədova və İlham Nəzərov çıxış edəcəklər.

Sizlərə festivalın proqramını təqdim edirik:

15 oktyabr:

10:00 - Fəxri Xiyaban. Əbədiyaşarlara ziyarət

12:00 - Heydər Əliyev Sarayı - Dünya Vokal İfaçılığı və Onun Əsasları elmi-praktiki konfrans

19:00 - Azərbaycan Dövlət Akademik Filarmoniyasının kamera və orqan musiqisi zalı - Barokko musiqisi axşamı

16 oktyabr:

12:00 - Azərbaycan Milli Konservatoriyası - Klassik Milli Vokal Ifaçılığı

16:00 - Ü.Hacıbəyli adına Bakı Musiqi Akademiyası - "100 ilin sərvəti" Bakı Musiqi Akademiyasının 100 illiyinə ithaf

19:00 - Azərbaycan Dövlət Opera və Balet Teatrı - Arşın mal alan

17 oktyabr:

12:00 - Beynəlxalq Muğam Mərkəzi - Bizidə tanıyın

19:00 - Beynəlxalq Muğam Mərkəzi - Nizaminin sözlərinə yazılmış romanslar