Hadisə

Lənkəranda uşaq fiziki zorakılığa məruz qalıb - təfərrüat - (Video)

26 Sentyabr 2026 00:08

Baxış: 266

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #VİDEO

Lənkəranda 3 yaşlı uşaq fiziki zorakılığa məruz qalıb. Onun atalığı tərəfindən döyüldüyü bildirilir.

Milli.Az Xəzər TV-yə istinadən bildirir ki, hadisə şəhər ərazisində qeydə alınıb. 2023-cü il təvəllüdlü azyaşlı müxtəlif dərəcəli bədən xəsarətləri ilə Lənkəran Rayon Mərkəzi Xəstəxanasının Təcili yardım şöbəsinə yerləşdirilib.

Azyaşlının anası isə kamera qarşısında açıqlama verməsə də, iddia edib ki, uşağı oynayarkən yıxılaraq xəsarət alıb. İlkin araşdırmalarla məlum olub ki, 3 yaşlı uşaq atalığı tərəfindən döyülüb. Artıq aidiyyəti qurumlar hərəkətə keçib. Uşağın səhhəti və təhlükəsizliyi nəzarətə götürülüb.

Ailə, Qadın və Uşaq Problemləri üzrə Dövlət Komitəsindən bildirilib ki, hazırda uşağın səhhəti stabildir. Onun döyülməsində şübhəli bilinən atalığı ilə bağlı rayon polis şöbəsində təhqiqat araşdırması aparılır. Araşdırmanın nəticələrindən asılı olaraq hadisəyə hüquqi qiymət veriləcək. Eyni zamanda, uşağın anasının valideynlik hüququnun məhdudlaşdırılması məsələsinə rayon icra hakimiyyəti tərəfindən qanunvericiliyə uyğun olaraq baxılır. Ananın psixoloji vəziyyəti ilə bağlı müvafiq psixoloqlar tərəfindən onunla söhbətlər və psixoloji dəstək tədbirləri həyata keçirilir.

Mövzu ilə bağlı daha ətraflı videomaterialı təqdim edirik.

Müəllif: Ülkər Vəliyeva (Milli.Az redaktor)