İdman

“Sabah”ın dörd ev oyunu üçün VIP biletlərinin qiyməti açıqlandı

25 Sentyabr 2026 19:48

Baxış: 308

VTB-də minimal faiz dərəcəsi ilə nağd kredit 9.9%-dən

#SABAH FK

"Sabah"ın UEFA Çempionlar Liqasının liqa mərhələsində keçirəcəyi dörd ev oyunu üçün VIP paket biletlər satışa çıxarılır.

Milli.Az xəbər verir ki, bu haqda klub məlumat yayıb.

Bildirilir ki, VIP paket bilet sahibləri "Slaviya" (Praqa), "Borussiya" (Dortmund), "Barselona" və "Napoli" ilə qarşılaşmaları Bakı Olimpiya Stadionunun VIP sektorundan izləyə biləcəklər.

VIP sektorda qidalanma xidməti təqdim olunacaq, həmçinin qonaqlar üçün əyləncə proqramının təşkili və DJ ifasında musiqi səsləndirilməsi də nəzərdə tutulur. Bu imkanlar azarkeşlərə Çempionlar Liqası oyunlarının ab-havasını xüsusi şəraitdə yaşamaq imkanı verəcək.

VIP paket biletin qiyməti 1500 manatdır və dörd qarşılaşmanın hamısına şamil edilir.

Qeyd edək ki, VIP sektorda əyləncəli tədbirlər ancaq "Slaviya", "Borussiya" və "Barselona" ilə oyunları əhatə edəcək.

Müəllif: Ülkər Vəliyeva (Milli.Az redaktor)