Cəmiyyət

Zaqatalada sel - 5 nəfər təxliyə olundu - VİDEO

8 İyul 2021 16:36

0 Şərh Baxış: 1 088

VTB-də minimal faiz dərəcəsi ilə nağd kredit 10.49%-dən

#VİDEO

Ötən gün axşam saatlarından başlayaraq Balakən və Zaqatala rayonlarında qeyri-sabit hava şəraiti hökm sürüb, güclü külək və leysan müşahidə olunub.

Milli.Az xezerxeber.az-a istinadən bildirir ki,gecə saatlarında Zaqatala rayonunun Sabunçu kəndindən rayon mərkəzinə qayıtmaq istəyən bir ailə Sabunçu və Yuxarı Çardaxlar kəndlərinin arasından axan Qara çayda batma təhlükəsi ilə üzləşib.

Əraziyə müvafiq qurumlar cəlb edilərək ikisi azyaşlı olmaqla, 5 nəfərdən ibarət ailə təhlükəsiz əraziyə təxliyə olunub.

Rayonun bolsulu çaylarından sayılan Tala çayından qısamüddətli selin keçməsi səbəbindən Yuxarı Tala və Aşağı Tala kəndlərini içməli su ilə təmin edən su xəttinin 100 metrdən çox hissəsini sel aparıb, 16 mindən çox əhalisi olan iki kənd susuz qalıb. Rayon mərkəzində və rayonun Yuxarı Tala kəndi ərazisində bir neçə evin zirzəmisinə və həyətyanı sahələrinə yağış suları dolub. Hazırda müvafiq qurumlar hadisə ilə bağlı işlərə başlayıb.

Xezerxeber.az mövzu ilə bağlı daha ətraflı videomaterialı təqdim edir:

Milli.Az