SOSial şəbəkələri bəlaya çevirirlər - sonra gec olacaq

Xaricdə yaratdıqları müxtəlif internet televiziyalarından Azərbaycan haqqında hədyanlar yağdıran üzdəniraq bloger, müxalifət adlanan funksionerlər yenə öz ampulalarındadır. İkinci Qarabağ Müharibəsindən sonra ölkədə yaşanan xalq-hakimiyyət birliyini, qələbə sevincini aşağılamaq üçün əllərindən gələni etməyə çalışır, öz çirkin qoxuyan ağızlarını açıb yummaqaddırlar. Üç-dör özlərinə bənzər tamaşaçısına çirkin təbliğatını yeritməkdədir. Ölkəni xaosa, 92-93-cü illərə sürükləmək niyyətində olan bu üzdəniraqlar Qərbin erməni dairələrindən aldıqları tapşırıqlara uyğun fəaliyyətə start verdikləri gün kimi aydındır. Yalnız bir hədəfləri var - ölkəni 92-ci illərin Azərbaycanına çevirmək. Bu gün regional lider standartlarına malik olan ölkəmizi yenidən o bədbəxt, dağınıq, pərakəndə günlərə qaytarmaq istəyirlər. Qaragüruh artıq çoxdan siyasi müxalifət məzmunundan uzaqlaşıb. Bu artıq mütəşəkkil cinayətkar dəstə tipidir desək, yanılmarıq.

Tək bir fakt - ötən ilin iyun hadisələrini yadımıza salaq. Qaragüruhdan qopan idarəolunmaz bir neçə qrup gecə azğınlaşaraq parlament binasına daxil olur, vurur, qırır, dağıdır, söyür, təhqir edir. Təsəvvür edək ki, o gün Azərbaycan polisi parlament binasını qaragüruh tör-töküntüsündən təmizləməsəydi və kiminsə ağlına qonşudakı binaya, AzTv-yə soxulma təklifi səslənsəydi nə baş verərdi?!  Bu səbəbdən də güc strukturları onlara qarşı daha sərt qərarlar qəbul etməlidir. Ümid etmək olar ki, qanun xaricdə Azərbaycan əleyhinə hədyanlar yağdıramlara qarş da işləyəcək. Reaksiya tv, Xural Tv, Bumeranq tv, kim tv  və sair...

Həmin bu şəxslər efirlərində  Azərbaycan hüquq-mühafizə orqanlarının ayrı-ayrı əməkdaşlarını elə dəhşətli işgəncələrdə ittiham edirlər ki, ermənilər onları toplayıb hesabat şəklində beynəlxalq qurumlara göndərsələr, Xocalı soyqırımının yerinə əla alternativ mənbə taparlar. Sanki bir qrup var ki, Azərbaycanın tarixi qələbəsini, öz ərazi bütövlüyünü bərpa etməsini, Şuşaya bayraq sancmasını, 30 ildir ki dalınca ağlaşma qurduğumuz torpaqlarımızın azad olunmasını bir mövzu olaraq gündəlikdən çıxarmağa çalışır. Kimsə dövlətin ünvanına üfunət püskürür. Bu vaxt vicdanlı istifadəçi öz mövqeyini bildirir və tarixi Qələbəni unutmamağa, zəfərin qədrini bilməyə çağırır. Bu vicdanlı şəxsin ünvanına təhqir pandemiyası göndərilir. Və o həyalı kəs daha danışmağa qorxur. Və belə qorxanlar çoxalmadadır. Niyə? Ona görə ki, təhqirə məruz qalanın yanında kolba və qalstuk ziyalıları gözə dəymir.

O boyda müharibədən qalib çıxan, dərhal da böyük bərpa prosesinə start verən, bununla yanaşı nüfuzlu beynəlxalq idman layihələrini qəbul etməyə başlayan, Formula 1-in ardınca da Futbol üzrə Avropa Çempoinatının görüşlərinə ən yüksək standartlara uyğun olaraq ev sahibliyi edən ölkəmizə o qədər hədyan yağdıran var ki. Məsələn, Milli Şuranın üzvü Tofiq Yaqublu yazır: Şuşanın mərkəzindəki evlər sökülür. Bu, mənəvi terrordur. 29 ildir ki Şuşa həsrəti ilə yaşayan şuşalılara öz evlərini görmək, onun qapısını açmaq, divarlarına toxunmaq, pəncərəsindən şəhərə baxmaq və s. imkanı vermədən bu addımı atmaq əsl vandalizmdir.

Bu isə ermənilərin paylaşımıdır: Azərbaycan vandalizmi davam edir: Şuşada Jamaryanın ev-muzeyi dağıdılır. "İnfoteka 24" portalına daxil olan kadrlardan işğal edilmiş Şuşada azərbaycan hərbçilərinin vandalizm aktı görünür.

Azərbaycana qarşı düşmənçilik əməliyyatına cəlb olunmuş daha iki nəfər. Bunlardan biri Reportyorların Azadlıq və Təhlükəsizlik İnstitutunun rəhbəri Emin Hüseynovdur: o yazır: Azərbaycan və Türkiyə rəsmiləri əksini sübuta yetirənə qədər fəal Bayram Məmmədovun qətlində onlardan şübhələnirəm.

Malik Aslanlı
Milli.Az