Cəmiyyət

Sumqayıtda binada uçqun olub, xəsarət alan var

10 İyun 2020 08:15

0 Şərh Baxış: 2 226

VTB-də minimal faiz dərəcəsi ilə nağd kredit 10.49%-dən

#HADİSƏ #CƏMİYYƏT #YANĞIN #SUMQAYIT

08:15

Fövqəladə Hallar Nazirliyinin "112" qaynar telefon xəttinə Sumqayıt şəhəri, 12-ci mikrorayon ərazisində (Çerkassi və Koroğlu küçələrinin kəsişməsi) məcburi köçkünlərin məskunlaşdığı ikimərtəbəli yarımçıq tikili binada uçqun olması, 1 nəfərin xəsarət alması barədə məlumat daxil olub.

FHN-dən Trend-ə verilən məlumata görə, Nazirliyin Sumqayıt Regional Mərkəzinin və Dövlət Yanğından Mühafizə Xidmətinin Sumqayıt Şəhər Dövlət Yanğından Mühafizə İdarəsinin müvafiq xilasetmə qüvvələri hadisə yerinə cəlb olunub, aidiyyəti dövlət qurumları məlumatlandırılıb.

Hadisə yerində əməliyyat şəraiti qiymətləndirilərkən müəyyən olunub ki, binanın girişində pilləkən uçub, nəticədə xəsarət alan 1967-ci il təvəllüdlü Cəfərova Gülxanım Ramazan qızı xəstəxanaya yerləşdirilib.

Xilasedicilər tərəfindən həyata keçirilən xilasetmə və digər təxirəsalınmaz işlər nəticəsində binada köməksiz vəziyyətdə qalan 5 nəfər (4-ü azyaşlıdır) təhlükəsiz əraziyə təxliyə edilib, ərazidə təhlükəsizlik təmin olunub.

-------------

00:50

Sumqayıt şəhərində məcburi köçkünlərin məskunlaşdığı binada uçqun olub.

Milli.Az Trend-ə istinadən bildirir ki, hadisə şəhərin 12-ci mikrorayonunda baş verib. Binanın qəzalı vəziyyətdə olan pilləkən qəfəsi qəfil uçub.

Hadisə yerinə Fövqəladə Hallar Nazirliyinin əməkdaşları cəlb olunub. Hadisə nəticəsində xəsarət alan olmayıb. Uçqun olan ərazi nəzarətə götürülüb.

Milli.Az