Cəmiyyət

Qəbul imtahanında 4 abituriyent maksimum bal topladı

17 İyul 2026 16:52

Baxış: 402

VTB-də minimal faiz dərəcəsi ilə nağd kredit 9.9%-dən

İyulun 5-də keçirilən II və III ixtisas qrupları üzrə qəbul imtahanında dörd abituriyent maksimum nəticə əldə edib.

Dövlət İmtahan Mərkəzindən (DİM) Milli.Az-a bildirilib ki, II ixtisas qrupu üzrə ən yüksək göstəricini 400 bal toplayan Laçın rayon Oğuz tam orta məktəbinin məzunu İsbəndiyarlı Paşa Araz oğlu nümayiş etdirib. O, imtahanın birinci mərhələsində 277,3 bal toplayıb.

II qrup üzrə hər iki mərhələnin nəticəsinə əsasən ən yüksək ümumi bal isə Sumqayıt şəhəri 35 saylı orta məktəbin məzunu Kərimov Zamin Ramin oğluna məxsus olub. O, ümumilikdə 690 bal toplayıb. Abituriyentin birinci mərhələ üzrə nəticəsi 297,5, ikinci mərhələ üzrə nəticəsi isə 392,5 bal olub.

III ixtisas qrupu üzrə isə üç abituriyent birinci mərhələdə maksimum nəticə - 400 bal əldə edib. Bunlar Sumqayıt şəhəri Təbiət Elmləri Təmayüllü Gimnaziyanın məzunu Məmmədzadə Əli Musa oğlu, Şəmkir rayonu Kür qəsəbə orta məktəbinin məzunu Məmmədova Aydan İxtiyar qızı və Abşeron rayonu Saray qəsəbə 1 saylı orta məktəbin məzunu Mənsimli Orxan Zaur oğludur.

Məmmədova Aydan İxtiyar qızı birinci mərhələdə 279,6, Mənsimli Orxan Zaur oğlu isə 276,1 bal toplayıb.

Hər iki mərhələnin yekununa görə III qrup üzrə ən yüksək nəticəni 689,6 bal toplayan Məmmədzadə Əli Musa oğlu göstərib. O, birinci mərhələdə 289,6 bal əldə edib.

Müəllif: Malik Məlikov (Milli.Az redaktor)