İdman

FİFA-dan tarixi qərar: Dünya Kuboku finalında futbol qaydaları pozulacaq (Foto)

15 İyul 2026 00:36

Baxış: 326

VTB-də minimal faiz dərəcəsi ilə nağd kredit 9.9%-dən

#FUTBOL

FİFA, bazar günü keçiriləcək Dünya Çempionatının final oyununda futbolun ən fundamental qaydalarından birini dəyişməyə hazırlaşır.

Milli.Az xəbər verir ki, qəbul edilən qərara əsasən, final matçının fasilə müddəti 30 dəqiqəyə qədər uzadılacaq. Beynəlxalq Futbol Assosiasiyaları Şurasının (IFAB) mövcud qaydalarına görə, futbol oyunlarında fasilə müddəti 15 dəqiqəni keçməməlidir. FİFA-nın bu addımı rəsmi oyun qaydalarının açıq şəkildə pozulması mənasına gəlir.

Fasilə müddətinin ikiqat artırılmasının arxasında tamamilə kommersiya və şou maraqları dayanır:

"Super Bowl" bənzəri şou: ABŞ-nin birgə ev sahibliyi etdiyi bu turnirdə FİFA, Amerika futbolunun finalı olan "Super Bowl"dakı məşhur fasilə şoularına bənzər nəhəng bir musiqili proqram təşkil etməyi planlaşdırır.

Səhnənin qurulması və sökülməsi: Meydanda quraşdırılacaq böyük səhnənin, işıq sistemlərinin qurulması, ulduz sənətçilərin çıxışı və ardından meydanın yenidən futbolçular üçün hazır vəziyyətə gətirilməsi minimum 25-30 dəqiqə vaxt tələb edir.

Məşqçilər və futbolçular narahatdır: Mütəxəssislər və komandaların fiziki hazırlıq üzrə məşqçiləri bu qərardan narahatdırlar. Çünki 30 dəqiqəlik gözləmə müddətində futbolçuların əzələlərinin soyuyacağı və bunun ikinci hissədə zədə riskini ciddi şəkildə artıracağı bildirilir.

Amerika futbolunun finalı olan "Super Bowl" üslubunda təşkil ediləcək bu böyük şou proqramında dünyanın ən məşhur musiqiçiləri səhnə alacaq:

BTS
Şakira
Madonna
Qustavo Dudamel - Dünyaca məşhur venesuelalı dirijor və bəstəkar şounun orkestr və klassik musiqi sintezinə rəhbərlik edəcək.
"Coldplay"
Castin Biber (Offsideplus.az)

Müəllif: Ülkər Vəliyeva (Milli.Az redaktor)