Şou-biznes

Nəvai Moskvadakı qəzaya görə məhkəməyə verildi

14 İyul 2026 23:43

Baxış: 1 628

VTB-də minimal faiz dərəcəsi ilə nağd kredit 9.9%-dən

#QƏZA #MÜĞƏNNİ

Rusiyada məşhurlaşan Nəvai ləqəbli azərbaycanlı ifaçı Nəvai Bəkirov may ayında Moskvada baş vermiş yol-nəqliyyat hadisəsindən sonra şəhər infrastrukturuna vurulan zərərə görə məhkəməyə verilib.

Milli.Az xəbər verir ki, bu barədə TASS məlumat yayıb.

Bildirilib ki, qəza nəticəsində işıqfor, onun quraşdırıldığı metal dirək, dirək üçün uzadıcı və iki yol nişanı zədələnib. Dəymiş zərərin aradan qaldırılması üçün aparılan təmir-bərpa işlərinin dəyəri 91 min 282 rubl (təxminən 2 min 22 manat) təşkil edib.

Qəza mayın 5-i axşam saatlarında Moskvanın Zubovski bulvarında baş verib. Nömrə nişanı olmayan avtomobili idarə edən Nəvai idarəetməni itirib. Avtomobil fırlanaraq yol kənarındakı dirəyə çırpılıb.

Hadisə zamanı xəsarət alan olmayıb. Sənətçi qəzadan sonra paltarını dəyişərək başqa avtomobillə hadisə yerindən uzaqlaşmağa çalışıb.

Nəvai əvvəl bildirib ki, avtomobili yeni aldığı üçün hələ dövlət qeydiyyat nişanı quraşdırılmayıb. O, həmçinin yüksək sürətlə hərəkət etmədiyini, qəzanın səbəbinin avtomobildə quraşdırılmış yarış təkərləri olduğunu deyib. Daha sonra isə avtomobilin əslində icarəyə götürüldüyünü açıqlayıb. (Axşam.az)

Müəllif: Ülkər Vəliyeva (Milli.Az redaktor)