Psixoloqlara görə bir kişinin sevgisinin azaldığını göstərən 4 əsas əlamət

Münasibətlərdə sevginin azalması çox vaxt qəfil deyil, zamanla inkişaf edən bir prosesdir. Mütəxəssislərin fikrincə, davranışlardakı, ünsiyyət tərzindəki və emosional yaxınlıqdakı dəyişikliklər münasibətlərin gedişatı haqqında mühüm ipucları verə bilər.

Milli.Az xəbər verir ki, bir münasibətin sona çatması çox vaxt ani bir hadisə ilə baş vermir. Duyğular tədricən zəifləyir və bu dəyişiklik tərəfdaşların davranışlarına da əks olunur. Psixoterapevt Yuliya Hritsenko bir kişinin həyat yoldaşına olan sevgisinin azalmasını göstərən əlamətləri və belə bir münasibətin xilas edilmə ehtimalını dəyərləndirib.

Emosional uzaqlaşma ən aşkar siqnaldır

Mütəxəssislərin fikrincə, bir çox qadın tərəfdaşının sevgisinin bitdiyini göstərəcək tək bir cümlə və ya davranış axtarır. Lakin real həyatda bu proses çox vaxt yavaş irəliləyir. Bu səbəbdən gündəlik ünsiyyətdə baş verən kiçik dəyişiklikləri fərq etmək böyük əhəmiyyət daşıyır. Hritsenko qeyd edir ki, sevən bir insan əsəbiləşsə və ya incisə belə, münasibətə əmək sərf etməyə davam edir. Ona görə də əsas diqqət yetirilməsi lazım olan nöqtə mübahisələrin varlığı deyil, şəxsin münasibətə qarşı marağını və emosional investisiyasını itirməsidir.

Ortaq xəyallar və paylaşımlar azalır

Sevgini azalmasının ilk işarələrindən biri cütlüklərin özlərini artıq eyni komandanın üzvləri kimi hiss etməməsidir. Birlikdə gələcək planları qurmaq əvəzinə hər kəs öz həyatına köklənməyə başlayır. Əvvəllər həftəsonu planları və ya tətil proqramları birlikdə qurularkən, artıq tərəfdaş gələcəyini qarşı tərəfi nəzərə almadan şəkilləndirə bilir.

Birlikdə vaxt keçirməkdən qaçınır

Emosional məsafə artdıqca ortaq keçirilən zaman da azalır. Tərəfdaş işdə daha çox vaxt keçirməyi üstün tuta bilər, dostları ilə görüşməyi ön plana çıxarır və ya saatlarını telefon və kompüter arxasında keçirir. Bu vəziyyət birlikdə olma istəyinin getdikcə zəiflədiyinin mühüm göstəriciləri arasında yer alır.

Emosional dəstək yerini laqeydliyə buraxır

Münasibətdə sevginin azalması ilə birlikdə emosional paylaşım da zəifləyir. Yaşanan bir problem və ya gözəl bir inkişaf qarşısında verilən reaksiyalar qısa və səthi hala gəlir. Əvvəllər maraqla dinləyən tərəfdaş, artıq yalnız "Yaxşı", "Başa düşdüm" kimi qısa ifadələr istifadə edərək danışığı sonlandırmağı üstün tuta bilir.

Mütəxəssis qeyd edir ki, hər kəs zaman-zaman əsəbi və ya yorğun olanda qırıcı sözlər deyə bilər, ancaq bəzi ifadələrin davamlı təkrarlanması fərqli bir məna daşıyır. Xüsusilə, aşağıdakı cümlələrin sıx istifadə edilməsinin emosional uzaqlaşmaya işarə edə biləcəyini ifadə edir:

"Nə edirsən et, vecimə deyil."

"Heç nə eşitmək istəmirəm, məni rahat burax."

"Bunların hamısını sən uydurursan."

"Bu sənin problemindir."

Müəllif: Ülkər Vəliyeva (Milli.Az redaktor)