Hadisə

Tərtərdə ağır qəza: Ər və arvad öldü - (Video)

17 İyul 2026 15:28

Baxış: 433

VTB-də minimal faiz dərəcəsi ilə nağd kredit 9.9%-dən

#VİDEO #QƏZA

Xəbər verdiyimiz kimi, Tərtər rayonunda baş verən ağır yol-nəqliyyat hadisəsi iki nəfərin ölümü ilə nəticələnib.

Milli.Az xəbər verir ki, hadisə ötən gün günorta saatlarında rayonun Təzəkənd kəndi ərazisində qeydə alınıb. Bərdə rayon sakini, 64 yaşlı Adil Əhmədovun idarə etdiyi "Mercedes" markalı avtomobil qarşı hərəkət zolağına çıxaraq "DAF" markalı yük maşını ilə toqquşub.

Qəza nəticəsində minik avtomobilinin sürücüsü Adil Əhmədov və onun həyat yoldaşı Elza Əmirova hadisə yerində dünyasını dəyişib. Yük avtomobilinin sürücüsü isə müxtəlif xəsarətlər alıb.

İlkin ehtimallara görə, qəzanın baş verməsinə "Mercedes"in sürücüsünün sükan arxasında yuxulaması səbəb olub.

Baş Dövlət Yol Polisi İdarəsi hadisə ilə bağlı sürücülərə müraciət edərək, xüsusilə isti hava şəraitində yorğun və yuxusuz vəziyyətdə avtomobil idarə etməməyə, uzun səfərlər zamanı mütəmadi istirahət etməyə çağırıb.

Faktla bağlı araşdırma aparılır.

Müəllif: Nərmin Mahmudova (Milli.Az müxbir)