Cəmiyyət

"Əgər tıxaclarda 1,5 saat keçirsəniz, həyatınızın 25%-i itir" - Ekspert

19 Dekabr 2024 20:41

Baxış: 1 327

VTB-də minimal faiz dərəcəsi ilə nağd kredit 9.9%-dən

#CƏMİYYƏT #TIXAC #EKSPERT RƏYİ

"Bakı və digər böyük şəhərlərdə tıxaclar hər gün minlərlə insanın həyatını çətinləşdirir. Lakin tıxacların yalnız vaxt itkiləri yaratmadığı, eyni zamanda insanların həyat keyfiyyətinə ciddi təsir etdiyi də diqqət çəkir. Araşdırmalar göstərir ki, səhər və axşam saatlarında 1,5 saat tıxacda qalan bir insan, həyatının yalnız 75 faizini yaşayır. Bu, təxminən 20 ildə cəmi 15 il aktiv həyat yaşamaq deməkdir".

Milli.Az xəbər verir ki, bunu iqtisadçı ekspert Eldəniz Əmirov deyib.

O bildirib ki, bu rəqəmlər sadəcə şişirdilmiş deyil, real və dəqiq hesablamalarla ortaya çıxan nəticədir. İnsanlar təxminən sutkanın 12 saatını aktiv şəkildə keçirirlər, lakin 1,5 saatlıq tıxac hər gün onlardan 25 faizini alır. Yəni hər gün tıxacda vaxt keçirən bir insanın həyatının 25 faizi tamamilə itirilmiş olur.

"Tıxacın ailələrə təsiri isə daha da dəhşətlidir. Misal üçün 4 nəfərlik bir ailə səhər-axşam tıxacda qaldıqda hər bir fərd aktiv həyatının 25 faizini itirir. Bunun nəticəsində ailənin 4 üzvünün ümumi vaxt itkisi 100%-ə çatır, yəni 4 nəfərlik ailədə faktiki olaraq yalnız 3 nəfər yaşar. Bu vəziyyət ailənin bir üzvünün faktiki olaraq həyatının böyük hissəsini itirdiyini göstərir.

Bu rəqəmlər tıxacların yalnız zaman itkisi yaratmadığını eyni zamanda insanların həyatının sanki bir hissəsinin silinməsinə səbəb olduğunu göstərir. Həm fərdi, həm də ailə səviyyəsində bu itkilərin həyat keyfiyyətinə ciddi təsiri olduğu aydın olur".

Aysel Əkbər
Milli.Az