Cəmiyyət

Monqolustandan gələn "ucuz ətin şorbası oldu?" - AQTA AÇIQLADI

12 Dekabr 2024 14:40

Baxış: 3 970

VTB-də minimal faiz dərəcəsi ilə nağd kredit 9.9%-dən

Ötən ay Monqolustan ətinin satılmasından xəbər vermişdik.

Milli.Az xəbər verir ki, bu ətin qiyməti yerli ətə nisbətən ucuzdur. Monqolustan əti 12-14 manata təklif edildiyi halda yerli bazarda qoyun ətinin qiyməti 16-18 manatdan başlayır. Bu ətin nisbətən ucuz olmasını satıcılar xaricdəki heyvan bolluğu və ərazi genişliyi ilə əlaqələndirərək Monqolustanda qoyunculuq kifayət qədər inkişaf etdiyini bildiriblər.

Amma ətin qiymətinin ucuz olmasına baxmayaraq alıcısı çox deyil. İnsanlar "ucuz ətin şorbası olmaz" deyib bu ətə güvənmirlər. Bir qoyunun bəslənməsi, saxlanılması, yol xərci bütün hamısı nəzərə alınanda bu qiymət insanları narahat edir.

Məsələ ilə bağlı Milli.Az-a açıqlama verən Azərbaycan Qida Təhlükəsizliyi Agentliyinin mətbuat katibi İlkin Kərimov bildirib ki, ölkədə idxal edilən bütün ətlər laborator analizlərdən keçirilir.

"Ət və ət məhsulları daşıdığı risk səviyyəsinə uyğun olaraq ölkəmizin gömrük ərazisinə idxal olunduqda müvafiq ekspertizalardan keçirilir. Yalnız nəticələri uyğun olan məhsulların satışına icazə verilir.

İstehlakçılara isə yüksək riskli qida hesab olunan ət və ət məhsullarını alarkən, satıcıdan mənşə sənədini tələb etməsi tövsiyə olunur. Bununla belə, qida təhlükəsizliyi tələblərinin pozulması ilə bağlı konkret faktlarla vətəndaşlarımız Agentliyin 1003 Çağrı Mərkəzinə zəng vuraraq müraciət edə bilərlər", - deyə Kərimov qeyd edib.

Aysel Əkbər
Milli.Az