Cəmiyyət

Ramazanda edilən günahlara görə lənətin olduğu doğrudur?

15 Mart 2024 04:00

Baxış: 8 350

#DİN #RAMAZAN

SUAL: Salam aleykum. Ramazan ayında günah edəndə bağışlanırmı? Bəziləri deyirlər ki, gələn Ramazana kimi Allah və mələkləri sənə lənət oxuyur. Bu doğrudurmu?

CAVAB: va aleykum Salam. Ramazan ayı xeyir və bərəkət ayıdır. Bu ayda günahlar etmək, habelə əvvəlki aylarda edilən günahları təkrarlamaq, heç bir müsəlmana yaraşmaz. Təsəvvür edin, Uca Allah 'bu ayda, arzulayan hər kəsi bağışlayacam, rəhm edəcəm, edilən yaxşı əməllərə görə əvvəlki aylardakından qat-qat daha çox savabla mükafatlandıracam' - deyir, insan isə, bu fürsəti əlinin arxası ilə geri çevirir.. Halbuki, Allahın buna ehtiyacı yoxdur, buna ehtiyacı olan, məhz insanın özüdür. "İnsan öz Rəbbinə qarşı çox nankordur." (Quran, 100/6)

Lakin, bu ayda edilən günahlara görə, xüsusi olaraq lənət'in olmasına gəlincə, bu barədə ayə və hədislərdə bir məlumat varid olmamışdır. Rəhmət ayında, ancaq bağışlanma və mükafat vardır. Yetər ki insan, bunu anlayaraq, Mərhəmətli Rəbbindən həya etsin və islah olsun.

Milli.Az