Cəmiyyət

Qrunt suları evlərin zirzəmilərinə axır - VİDEO

25 Oktyabr 2023 15:31
Baxış: 665
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakıda qrunt suları evlərin zirzəmilərinə axır.

Nəmişlikdən divara vurulan suvaq hissələrə bölünərək qopub. Evlərdə bir neçə yerdə çatlar əmələ gəlib.

Milli.Az Xəzər TV-yə istinadən bildirir ki, bu problem Xəzər rayonu, Qala qəsəbəsində eyni adlı küçədə tikilən evlərdə yaşanır.

Sakinlərin iddialarına görə, buradakı mənzillərin əksəriyyətində problem yaşanır.

Onların sözlərinə görə, yağış yağanda ərazidə vəziyyət dözülməz həddə çatır. Problemlə bağlı aidiyyəti qurumlar da dəfələrlə məlumatlandırılıb.

Xəzər Rayon İcra Hakimiyyətindən "Xəzər Xəbər"ə bildirildi ki, məsələ ilə bağlı "Azərsu" ASC-yə müraciət ünvanlanıb. "Azərsu"dan isə bildirilib ki, Qala qəsəbəsində qrunt sularının kənarlaşdırılması ilə bağlı lokal xarakterli tədbirlərin həyata keçirilməsinə baxmayaraq, problemin əsaslı həlli ilkin mərhələdə magistral kanalizasiya kollektorunun, növbəti mərhələdə isə toplayıcı şəbəkənin inşası ilə mümkündür.  "Azərsu" ASC-nin sifarişi ilə Qala qəsəbəsi ərazisində formalaşan tullantı sularının mərkəzləşdirilmiş qaydada kənarlaşdırılması məqsədi ilə müvafiq layihə sənədləri hazırlanıb. Qala qəsəbəsində mərkəzləşdirilmiş kanalizasiya sistemlərinin inşası  qurumun tədbirlər planına uyğun mərhələli şəkildə həyata keçiriləcək.

Mövzu ilə bağlı daha ətraflı videomaterialı təqdim edirik:

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.