Cəmiyyət

Bu kənd 20 ildir suya həsrətdir - VİDEO

8 İyul 2023 13:58

Baxış: 965

VTB-də minimal faiz dərəcəsi ilə nağd kredit 10.49%-dən

#VİDEO

Bu kənd 20 ildir ki, suya həsrət qalıb.

Milli.Az Xəzər TV-yə istinadən bildirir ki, Şamaxı rayonun Çıraqlı kəndi susuzluqdan əziyyət çəkir.

Kənd rayon mərkəzindən 18 km aralıda yerləşir. Əvvəllər qonşu qəsəbədən kəndə su xətti çəkilsə də, illər ötdükcə borular yarasız vəziyyətə düşdüyündən suyun verilməsi dayandırılıb.

Sakinlərin sözlərinə görə, şəxsi avtomobili olanlar suyu qonşu kəndlərdəki bulaqlardan gətirir.

"Avtomobili olmayanlar isə almaq məcburiyyətindədir."

Bu da maddi baxımdan onlara baha başa gəlir. Aylıq qazanclarının böyük hissəsi elə su almaq üçün sərf olunur.

Payız-qış aylarında vəziyyət daha da acınacaqlı hal alır. Yolun olmaması səbəbindən yağışlı-qarlı havalarda su maşınları kəndə gələ bilmir.

Kəndin yaxınlığından Pirsaat çayı keçsə də su çirkli olduğundan bu sudan da istifadə edə bilmirlər. İçməli sudan əlavə, təsərrüfatda istifadə etmək üçün də su yoxdur. Nəticədə əkin sahələri və bağlar susuzluqdan quruyur. Su üzünə həsrət qalan sakinlərin döymədiyi qapı qalmayıb.

Məsələ ilə bağlı Şamaxı rayonun Sabir Bələdiyəsinin sədri Elşən Dəmirov bildirib ki, Çıraqlı kəndində içməli suyun olmaması barədə aidiyyati orqanlara və Azərsu-ya müraciyyət edilib.

Çıraqlı kəndinin lahiyəsi hazırlanıb, yaxın aylarda kəndə su xətti çəkiləcək.

Mövzu ilə bağlı daha ətraflı videomaterialı təqdim edirik.

Milli.Az