Cəmiyyət

Şabrandakı yanğının söndürülməsinə hotel işçiləri də kömək edir - VİDEO

18 Avqust 2022 08:00
0 Şərh     Baxış: 683
VTB-də minimal faiz dərəcəsi ilə nağd kredit 10.49%-dən

Xəbər verdiyimiz kimi, Şabran və Xaçmazda yanğınla mübarizə tədbirləri davam edir.

Bu barədə Aztv hadisə yerindən son məlumatları təqdim edib.

Qeyd edilib ki, Şabranda avqustun 17-də gecə saatlarında dağlıq ərazisindəki meşə sahəsində başlayan yanğın hotelə doğru istiqamət götürüb: "Lakin yanğının "Qalaaltı" hoteli üçün heç bir təhlükəsi yoxdur. Çünki hotel ilə yanğın baş verən ərazi arasında kifayət qədər məsafə var. Hotelin qonaqlarının, eləcə də yerli sakinlərin təşvişə düşməsinə ehtiyac yoxdur. Hazırda da Fövqəladə Hallar Nazirliyinin (FHN) Dövlət Yanğından Mühafizə Xidmətinin əməkdaşları tərəfindən yanğının söndürülməsi istiqamətində işlər aparılır. Eləcə də, FHN-in şəxsi heyəti ilə yanaşı, hotel işçiləri də yanğının söndürülməsində köməklik göstərirlər", - deyə telekanalın əməkdaşı bildirib.

Xatırladaq ki, Şabran rayonunda baş vermis yanğınların söndürülməsində FHN-nin Dövlət Yanğından Mühafizə Xidmətinin, Şimal və Şimal-qərb regional mərkəzlərinin, Mülki müdafiə qoşunları və Xüsusi Riskli Xilasetmə Xidmətinin qüvvələri və xüsusi texnikası, FHN-in Aviasiya dəstəsinə məxsus "BE 200 ÇS" amfibiya təyyarəsi və 2 ədəd helikopteri, həmçinin Ekologiya və Təbii Sərvətlər Nazirliyi Meşə Təsərrüfatı Mərkəzinin əməkdaşları, "Azərsu" ASC-nin, yerli İcra Hakimiyyətinin müvafiq texnikaları və sakinlər cəlb olunub.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.