Cəmiyyət

Bakıda 21 yaşlı gənci öldürən üç qardaşın məhkəməsi başlayır

30 İyul 2022 08:22

0 Şərh Baxış: 731

VTB-də minimal faiz dərəcəsi ilə nağd kredit 10.49%-dən

#CƏMİYYƏT

Bakıda tanışlarını qətlə yetirən üç qardaşın məhkəməsi başlayır.

Milli.Az "qafqazinfo"-ya istinadən xəbər verir ki, Bakı Ağır Cinayətlər Məhkəməsində keçiriləcək prosesə hakim Zeynal Ağayev sədrlik edəcək.

Hakim qarşısında təqsirləndirilən şəxslər qismində Rahib, Ramil və Qorxmaz Lətifov qardaşları çıxarılacaq.

Qeyd edək ki, sözügedən hadisə ötən ilin noyabrın 27-də baş verib. Belə ki, Sabunçu qəsəbəsi Müqtədir Aydınbəyov küçəsi 41 ünvanında yerləşən kafenin qarşısında şəxsi münasibətlər zəminində aralarında yaranmış mübahisə zamanı Rahib Lətifov bıçaqla Fərid Əliyevə və İlşad Əliyevə xəsarətlər yetirib. Ramil Lətifov və Qorxmaz Lətifov isə silah qismində istifadə etdikləri vasitələrlə İlşad Əliyevə müxtəlif dərəcəli bədən xəsarətləri yetiriblər. Hadisə nəticəsində 21 yaşlı Fərid Əliyev ölüb, 25 yaşlı İlşad Əliyev isə müxtəlif bədən xəsarətləri ilə xəstəxanaya yerləşdirilib.

Qardaşlar Cinayət Məcəlləsinin 120.2.2 (xuliqanlıq niyyəti ilə adam öldürmə) maddəsi ilə ittiham olunurlar.

Milli.Az