Əməkdar artist Cabir Abdullayev özü kimi xanəndə qardaşı Sabir Abdullayev ilə "5/5"in qonağı olub.
Milli.Az xəbər verir ki, televiziya məkanında az-az görünən Sabir Abdullayev tələbələrinin efirlərdə onun tələbəsi olduqlarını deməməklərindən giley edib.
Xanəndə tələbələrinin adını çəkərkən aparıcı Zaur Kamal təəccübünü gizlədə bilməyib:
"Xalq artistimiz Samir Cəfərov mənim tələbəm olub. Zülfiyyə Məmmədova, Xəyalə Heydərova, Güllü Muradova, Səməd Səmədov da tələbəm olub".
Sonuncu ad (Səməd Səmədov) Zauru təəccübləndirib. Aparıcı Sabir Abdullayevin Xalq artisti Səməd Səmədovu dediyini düşünərək təəccüb keçirib. Xanəndə Səmədin Muğam Müsabiqəsinin iştirakçısı olduğunu, sadəcə xalq artisti ilə eyni ad, soyadı daşıdıqlarını bildirdikdən sonra Zaur gerçəyi öyrənib.
Turqut
Milli.Az