Şou-biznes

“Kimsə fahişə ilə evlənmək istəyirsə, evlənə bilər" - Taleh Yüzbəyov

17 Sentyabr 2019 10:17
14 Şərh     Baxış: 11 070
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Cəmiyyətin "Zəhər tuluğu"na ehtiyacı var idi. Bu ideya ilk yarananda Adil çox ciddi personaj deyildi. O, sadəcə acıdil, hamını bezdirən, hamının zəhləsini tökən adi bir obraz idi. Vaxt keçdikcə özü də bilmədən dönüb filosof oldu. Adilə ehtiyac var imiş ki, sevildi.

Bu sözləri "Zəhər Tuluğu" qısametrajlı filmdə Adil obrazı ilə tamaşaçıların həm məhəbbətini, həm də müəyyən mənada "nifrətini" qazanan aktyor Taleh Yüzbəyov publika.az-a verdiyi müsahibəsində deyib:

"Adilin də, Rənanın da, Zaurun da günahı var, heç biri təmiz deyil. Amma Rənanın məsələsində günah yükü daha çox Zaurun üzərinə düşür. O, bir qızın ona olan hisslərindən öz məqsədləri üçün istifadə edib. Hətta sonradan onu dostlarına və tanışlarına da ötürüb... O seriyada məlum olur ki, günah xanımları qınayan kişilərin özündədir".

Daha sonra aktyor fahişənin evlənmək arzusu mövzusuna toxunub:

"Bir insan fahişə ilə evlənmək istəyirsə, evlənə bilər. Bu, onun seçimidir. Özü onu qəbul edirsə, sən, mən və digərləri kimdir ki, başqasının həyatına qarışsın. Əlbəttə ki, çətin olacaq. Cəmiyyətdən bunu normal qarşılanmasını da tələb etmək hardasa doğru olmazdı. Yaşadığı mühitdən asılıdır. Bu barədə dəqiq bir fikir bildirmək mümkün deyil, çox qarışıq məsələdir".

Aktyor onu da bildirib ki, Adilin timsalında öz səhvlərini də təsvir etməyə çalışıb:

"Öz səhvini qəbul etmək daha çətindir, insanlar adətən başqasını göstərib gülməyi xoşlayır. Amma Adildə özümə irad tutduğum nöqsanlar var. Məsələn, birinci seriyada Adil yolda gedərkən yardım etdiyi xanıma "Övladınızın üzünə tüpürərsiniz" deyir. Bu sözlərlə ilk növbədə özümə irad bildirmişəm, başqalarının deyil, əslində öz üzümə tüpürmüşəm. Çox vaxt işdə olduğum üçün anama həmişə yardım edə bilmirəm. Odur ki, içimdə vicdan əzabı çəkirəm".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.