Şou-biznes

Nigar aparıcıları tənqid etdi - VİDEO

29 Mart 2023 12:22
Baxış: 2 719
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Xəbər verdiyimiz kimi, Əməkdar artist Nigar Şabanova ilə aparıcı Rövşanə Ağasəfqızı arasında veriliş zamanı mübahisə yaşanıb. 

Milli.Az axşam.az-a istinadən xəbər verir ki, Nigar daha sonra məsələ ilə bağlı videoaçıqlama yayıb. O, aparıcılara səslənərək, onların efir zamanı qonağa danışmağa imkan vermədiyini deyib:

"Əziz televiziya aparıcıları, xüsusi ilə jurnalistikanı bitirmiş teleaparıcılara səslənirəm: Sizə və özümə sonsuz hörmətim var. Bir az acı danışacağam. Verilişlərinizə dəfələrlə dəvət edirsiniz. Sonda isə vaxt tapıb gəlirik. Buna görə sizə sonsuz təşəkkürümü bildirirəm. Amma bizim də gəlişimizə hörmətlə yanaşın. Çünki başım bir neçə dəfə bəlanı çəkib. Sual verilib, yerimə cavab verilib və adımdan yazılıb. Əgər qonağa sual verirsinizsə, səbrli olun. Onsuz da danışmaq sizin üçündür.  Gözləyin cavabını verək. Deyiləcək sözlərimiz çoxdur. Biz danışa bilirik. Necə siz yana-yana müğənnilərdən danışırsınız, müğənnilərin də media işçilərinə sözü var. 

Sənəti ucuzlaşdırırsınız. Cılızları da yüksəldən media və telekanallardır. Sənətkarları da, insanları da həm ucaldan, həm də alçaldan mediadır. Gəlin, hər şeyi sənət adamlarının boynuna atmayın. Bu sözlərim yaxşı jurnalistlərdən uzaqdır. Onlar da çəkiliblər kənara. Buna görə də sənətdə cılızlıq baş alıb gedir. 

Gəlin, bir-birimizi görəndə bastalayıb ondan yuxarı özümüzü qaldırmağa çalışmayaq. Bu, bizə yaraşmaz. İnsanları gözdən salan özümüzük. İstər media, istər sənət olsun. Yorulmadıq dava-dalaşdan? Sosial şəbəkədə sənətkarları gözümüz görmür. Amma yarıçılpaqları o qədər gözəl paylaşırsınız ki,...Sənətkarlarla işiniz olmasın. Niyə bir-birimizi pisləməkdən doymuruq? İnsana çox acı gəlir".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.