Şou-biznes

Zülfiyyə Xanbabayevanı geridə qoydu, ermənilər mahnısını oğurladı, heç vaxt fəxri ad almadı - FOTO

15 May 2022 00:44
3 Şərh     Baxış: 3 559

Məşhur müğənni Abbas Əhməd 90-cı illərin sevilən ifaçılarından olub. Bir vaxtlar onun milyonlarla gəncin qəlbini titrədən "Ürəyim yanar" mahnısı dillər əzbəri idi. Uzun illərdir vətəndə yaşamayan sənətçi arabir Bakıya gəlsə də bunu heç kim bilmir. 

Milli.Az baku.ws-ə istinadən xəbər verir ki, məşhur müğənni Abbas Əhməd haqqında maraqlı faktları təqdim edir:

Əhmədov Abbas Allahverdi oğlu 1960-cı il dekabrın 25-də Rusiyada dünyaya gəlib. İbtidai məktəbi orada oxuyan ifaçı dördüncü sinifdə olarkən ailəsi ilə Bakıya köçür. Orta məktəbi başa vurduqdan sonra müğənniliklə məşğul olan Abbas 1990-2000-ci illərdə Azərbaycan estradasının parlayan ulduzu olur.

Onu məşhurluğun zirvəsinə isə həyat yoldaşına həsr etdiyi "Ürəyim yanar" adlı kompozisiyası çatdırır. Bu ifa hələ də sevilərək dinlənilən klassik hitlər sırasındadır. Müğənni mahnını 1992-ci ildə şair Elçin Mirzəbəylinin sözlərinə bəstələyib. "Ürəyim yanar" ifasını 1997-ci ildə Sunay adlı türk müğənnisi də səsləndirib. Abbasın bu ifasını bir müddət əvvəl mənfur düşmənlərimiz olan ermənilər oğurlayıblar. 

Onlar sənətçinin "Ürəyim yanar" ifasının musiqisinə söz yazaraq Şuşaya həsr ediblər.

Abbas 1988-ci ildən 2001-ci ilə qədər "Qaya" ansamblının solisti olub. 2001-ci ildə qrup dağıldıqdan sonra o, Rusiyaya üz tutur. Azərbaycan sərhədlərindən kənarda başqa bir yerdə öz ifaları ilə ad-san qazanmağa başlayır. 2003-cü ildə Abbasın Rusiya şou-biznesinə qatılma şansı yaransa da, o bundan imtina edir. Səbəb isə sənətçinin bir zamanlar üzvü olduğu "Qaya" ansamblını xarici ölkənin şou-bizesindən üstün tutması olur.

Abbas Əhməd müsahibələrindən birində özü ilə bağlı maraqlı faktı açıqlayır. Belə ki, ifaçı 1989-cu ildə "Qızıl payız" müsabiqəsində iştirak edir və qalibiyyət qazanır. Onun bu birinciliyini heç kim heç yerdə açıqlamır. Həmin vaxt müsabiqədə iştirak edən Xalq artisti Zülfiyyə Xanbabayeva isə ikinci olur. Abbas Əhməd 14 il "Qaya" qrupunda çalışsa da bu günə qədər heç bir fəxri ada layiq görülməyib. Hazırda Rusiyada yaşayan sənətçi vətənə nadir hallarda gəlir. Abbas orada keçirilən toylarda iştirak edir. Bəzən məclislərdə aparıcılıq da edir.

İfaçı dəfələrlə mətbuata verdiyi açıqlamaları ilə gündəm olub. Müsahibələrindən birində gənc vaxtlarında cavan qızların arxasınca düşməyi, cins geyinməyi, gözəl qızlarla tanış olmağı, "Bitlz" qrupunu dinləməyi çox sevdiyini dilə gətirib. İfaçı cins şalvarda özünü şahzadə, hətta Maykl Cekson kimi hiss etdiyini deyib. Abbas cins geyimlərindən bəzilərini hələ də saxladığını bildirib.

Abbas Əhməd iki dəfə ailəli olub. Onun ilk evlilliyindən bir oğlu dünyaya gəlib. Sənətçi ilk həyat yoldaşı ilə cəmi bir il evli qalıb. Daha sonra onunla həyat yollarını ayıran Abbas ikinci dəfə evlənib. Artıq 31 ildir ailəli olan ifaçının bu evlilikdən övladı yoxdur. Abbasın birinci evliliyindən olan oğlu dünyaca məşhur müğənnilərin konsertlərini təşkil edir. Demis Russos, Stinq kimi müğənniləri Rusiyaya gətirir.

Milli.Az

Məqaləyə dair fotomateriallar:

40 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    Sewa · 15 May 10:5230

    Can saglıgı arzulayıram, sevdikleri ile birlikde. «Üreyim yanar» heqiqeten cox hit idi bir zamanlar, ele indide dinlemek zövq verir. O zamanlar dogrudan estradanın inkişafı ücün musiqiler yazılırdı. Indiki kimi «toy kralları», «hacı quşlarının» zövqsüz toy mahnıları yox idi. 50%-de bu musiqi ve şeir yazanların seviyyesinin dayaz olmamasından ireli gelir.

    Cavab yaz
    • Anonim
      Sewa · 15 May 15:5500

      Dayaz olMAsından P.S. yanlış iki herf tam menanı deyişib)))))

      Cavab yaz
  • Anonim
    !!! · 16 May 13:4100

    Yə'ni bu insanın sənəti,səsi o qədər cılızdır ki,heç bir fəxri ada layiq görülmür???Son vaxtlar "əməkdar artist", "xalq artisti"adı alanlardan ki daha çox Abbas Əhmədin haqqı çatır bu adı almağa.Buna onun sənəti də,səsi də imkan verir.Çox təssüf...

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics