Siyasət

Azərbaycanla Türkiyə arasında hərbi-texniki əməkdaşlıq müzakirə edilib - FOTO

17 Avqust 2021 19:32

0 Şərh Baxış: 633

Azərbaycan Respublikasının Müdafiə naziri general-polkovnik Zakir Həsənov Türkiyə Respublikasının Milli Müdafiə naziri cənab Hulusi Akarın dəvətilə avqustun 17-də İstanbul şəhərində keçirilən "IDEF - 2021" Beynəlxalq Müdafiə Sərgisinin təntənəli açılış mərasimində iştirak edib.

Müdafiə Nazirliyindən Milli.Az-a verilən məlumata görə, nazir sərgidə müxtəlif şirkətlərin istehsalı olan silah, texnika və hərbi təyinatlı vasitələrə baxış keçirib.

Səfər çərçivəsində general-polkovnik Z.Həsənov Türkiyə Müdafiə Sənayesinin "ASELSAN", "ROKETSAN", "HAVELSAN", "ASPİLSAN" və bir sıra digər şirkətlərinin rəhbərləri ilə görüşlər keçirib.

Görüşlərdə tərəflər hərbi-texniki əməkdaşlığın inkişaf perspektivləri və qarşılıqlı maraq doğuran digər məsələlər barədə fikir mübadiləsi aparıblar.

Milli.Az