Siyasət

İllərin problemləri həll oldu, qayıtdıq başa - Yeni bəhanələr...

22 Aprel 2024 15:20
Baxış: 1 271

Günlərdir bəhanəsiz qalan müxalifət üzvləri cəmiyyətdə ayrıseçkilik yaratmaq üçün yeni yol tapıb. Belə ki, Milli Şura Azərbaycanda sərbəst toplaşma azadlığı ilə bağlı bəyanatla çıxış edib. Milli Şuranın "Azərbaycanda sərbəst toplaşma azadlığının ləğv olunmasına qarşı" bəyanatında deyilir ki, mitinqlər üzərindəki "qanunsuz qadağa" götürülsün, ölkədə hüquq və azadlıqlar uğrunda mübarizənin ağırlığını hamılıqla daşımalı olduğumuzu nəzərə alınsın.

Bəyanatdan belə çıxır ki, onlar Azərbaycanı 90-cı illərin əvvəllərindəki dərəbəylik, anarxiya dövrünə sürükləmək istəyirlər. Demokratiya və insan haqları anlayışı ilə pərdələnən bu şəxslərin niyyəti cəmiyyətdə qarışıqlıq yaratmaqdır. Göründüyü kimi, Azərbaycanın siyasi uğurları onların fəaliyyətini kölgədə qoyub. Məhz bu səbəbdən də, onlar da xaricdən aldıqları pulun müqabilində "iş görüntüsü" yaratmaq üçün belə üsullara əl atıblar.

44 günlük müharibə dövründə başlayan "müxalifət susqunluğu" 10 noyabr sazişi ilə bitsə də, həmin tarixdən bugünədək onlar müxtəlif bəhanələrlə cəmiyyətdə fikir ayrılığı, şübhə yaratmağa müəyyən qədər nail olmuşdular. Ölkə başçısının "nəyi nə vaxt edəcəyimi bilirəm" mesajının ciddiliyinə varmayanlar sırasında bu şəxslərin təsiri altına düşənlər vardı. Onlar illərdir ki, "bəs Xocalı, Xankəndi hanı?", "Sülhmərarmlılar nə vaxt ölkəmizi tərk edəcək?", "Kəndlərimiz nə vaxt qaytatıralacaq?" suallarını verirdilər.

Bu gün, bu üç sualın cavabı tapılıb. Ümumilli liderin layiqli davamçısı İlham Əliyevin uğurlu siyasəti nəticəsində bayrağımız Xankəndidə dalğalanır, sülhməramlılar torpaqlarımızdan çıxarılıb, kəndlərimiz qaytarılıb. Məhz ölkə başçısının nüfuzu sayəsində bu gün Azərbaycanda yüksək səviyyəli tədbirlər təşkil olunur, qlobal məsələlər müzakirə edilir. Belə vacib məsələlərin həllini tapdığı dönəmdə uğurlara hər kəs kimi sevinməkdənsə yeni bəhanələr axtarmaq, qulp qoşmaq, "bunda nəsə iş var" düşüncəsi ilə şübhə toxumu səpmək düşmən xislətindən fərqlənmir.

Elturan
Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.