Siyasət

İranın skandal oğurluğu ifşa edildi - Saxta imiş...

15 Oktyabr 2022 19:34

Baxış: 1 173

#RUSİYA-UKRAYNA MÜHARİBƏSİ

"İrandan "Şahid" kamikadze pilotsuz uçan aparatlar (PUA) alan rusların bu yöndə problemlərlə üzləşəcəkləri gözlənilən idi".

Milli.Az teleqraf.com-a istinadən bildirir ki, bunu ukraynalı hərbi ekspert Aleksandr Kovalenko deyib.

"Şahid-131"-lərlə bağlı hər şey aydındır. Çinin MDR-208 mühərrikinin İran kopyası, o da öz növbəsində Britaniyanın AR731-dən kopyalanıb, bütün bunlar Rusiyanın daha kiçik PUA-lardan istifadə etməyə başladığını göstərir", - ekspert bildirib.

Kovalenkonun sözlərinə görə, bu, gözlənilən idi, çünki "Şahid-136"-lar İranda kütləvi istehsal olunmayıb, kustar üsulla hazırlanmış, kiçikhəcmli pilotsuz təyyarələrdir.

Ekspert əlavə edib ki, ruslar Ukraynada bir neçə növ İran PUA-larından istifadə edirlər: "Şahid-136", "Mühacir-6", "Yasir" və "Əbabil-2", indi isə "Şahid-131".

Kovalenko qeyd edib ki, Ukrayna təkcə "dünyanın ikinci ordusu"nu yox, həm də Rusiyanın bütün müttəfiqlərini məhv edir:

"Məsələn, İranı. Məncə, buna görə İsrail və Səudiyyə Ərəbistanı bizə minnətdar olmalıdır".

Ukrayna müdafiə naziri Aleksey Reznikov bildirib ki, hazırda Rusiyada 300-ə yaxın İran PUA-sı xidmətdədir.

Ukrayna Prezidenti Vladimir Zelenski isə Rusiyanın İrandan 2400 dron sifariş etdiyini açıqlayıb.

Milli.Az