Siyasət

Ordumuz Laçın yolunda postlar qoyacaq - TƏFƏRRÜAT

3 Avqust 2022 14:32

0 Şərh Baxış: 4 970

#SİYASƏT

"Rusiyanın Qarabağda yerləşdirilmiş sülhməramlı kontingentinin vasitəsilə Azərbaycan bizdən tələb edib ki, ən yaxın vaxtlarda Xankəndinə yeni marşrut üzrə hərəkəti təşkil edək".

Bunu Ermənistan parlamentinin üzvü, "Şərəfim var" fraksiyasının mənsubu Tiqran Abramyan deyib.

Erməni deputatın sözlərinə görə, Azərbaycan Silahlı Qüvvələri ən yaxın vaxtlarda Laçına, habelə bu rayonun Zaöux və Sus kəndlərinə gedən yollarda nəzarət-buraxılış məntəqələri yerləşdirəcək.

Ermənistandan Xankəndinə hərəkət isaə hələ inşası başa çatmamış torpaq yolla olacaq.

"Azərbaycan xeyli vaxtdır ki, Laçın dəhlizinə paralel olan 32 kilometrlik yol inşa edir. Bu yol Ermənistandakı Kornidzor kəndində başlayaraq Laçından şəhərindən, Zabux və Sus kəndlərindən yan keçərək Böyük Qaladərisi və Kiçik Qaladərəsi kəndlərinədək uzanır. Yeri gəlmişkən, Kornidzora qədər olan hissədə, Ermənistan hökumətinin təqribən 7 kilometr uzunluqda yol çəkəsi yerdə işlər hələ başlamayıb. Bu isə vəziyyəti ağırlaşdırır", - Abramyan deyib.

Ermənistanın sürəkli olaraq Laçın rayonundakı mövqelərimizi atəşə tutduğunu və rusiyalı sülhməramlıların guya operativ nəzarət arealında olan məkanlarda silahlı erməni birləşmələrinin olduğunu nəzərə alsaq, Laçın dəhlizi üzərində nəzarət xüsusi aktuallıq kəsb edir. Məhz bu səbəbdən Laçın yolunda nəzarət-buraxılış məntəqələrinin qoyulması vacib məsələlərdən biridir.

10 noyabr bəyanatının şərtlərinə əməl etməyən və Qarabağdakı silahlı dəstələrini, daha konkret olsaq, hərbçilərini hələ də Azərbaycan ərazisindən çıxarmayan Ermənistanın davranışı bölgədə vəziyyətin ifrat gərginləşməsi ilə yanaşı, Azərbaycanın səbr kasasının dolmasına səbəb olur.

Orxan Hun
Milli.Az

Milli.Az - Xəbər Portalı

Ordumuz Laçın yolunda postlar qoyacaq - TƏFƏRRÜAT

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?