Kulinariya

3 kq qatıqdan neçə litr ayran çıxır?

16 Mart 2026 00:29
Baxış: 4 078
VTB-də minimal faiz dərəcəsi ilə nağd kredit 9.9%-dən
#KULİNARİYA

Qatıq və suyun qarışdırılma nisbəti ayranın həm dadını, həm də miqdarını müəyyən edir. Standart və hər kəsin bəyənəcəyi bir ayran üçün qızıl qayda 1:1 nisbətidir.

Milli.Az xəbər verir ki, ideal qatılıqda ayran 1:1 nisbətindədir. Əgər ayranın nə çox sulu, nə də çox qatı olmasını istəmirsinizsə, qatıq qədər su əlavə etməlisiniz.

Qatıq: 3 kq (təxminən 3 litr)

Su: 3 litr

Nəticə: 6 litr ayran.

Daha doyumlu və qatı bir ayran istəyənlər suyun miqdarını bir az azalda bilərlər.

Qatıq: 3 kq

Su: 1.5 - 2 litr

Nəticə: Təxminən 4.5 - 5 litr qatı ayran.

Xüsusilə yay aylarında susuzluğu aradan qaldırmaq üçün daha duru ayranlara üstünlük verilir.

Qatıq: 3 kq

Su: 4 - 5 litr

Nəticə: 7 - 8 litr duru ayran.

Hazırlanma qaydası
Suyu qatığın üzərinə birdən-birə tökməyin. Əvvəlcə qatığı az miqdarda su və duz ilə mikser və ya çırpıcı vasitəsilə hamar hala gələnə qədər qarışdırın, sonra qalan suyu yavaş-yavaş əlavə edin.

Ayranı hazırlayarkən blenderdən istifadə etmək və ya qapalı qabda sürətlə çalxalamaq onun üzərində bol köpük yaradacaqdır.

Zövqə görə içərisinə xırda doğranmış təzə nanə, reyhan və ya bir az sarımsaq əlavə edərək fərqli ləzzetlər əldə edə bilərsiniz.

Hazırladığınız ayranı mütləq soyuducuda saxlayın. Təbii olduğu üçün otaq temperaturunda tez turşuya bilər. Hər istifadədən əvvəl qabı çalxalamağı unutmayın, çünki qatıq hissəcikləri dibinə çökə bilər.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.