Dağlıq Qarabağ münaqişəsi

Türkiyə XİN Fransa Senatının qətnaməsi ilə bağlı bəyanat yayıb

26 Noyabr 2020 12:12
Baxış: 1 064

Ötən gün Fransa Senatının Dağlıq Qarabağ münaqişəsi ilə bağlı qəbul etdiyi qətnamə beynəlxalq hüququn ən təməl prinsiplərinin, qanuniliyin və ədalətin daxili siyasət pozullmasının nümunəsidir

Milli.Az Trend-ə istinadən xəbər verir ki, bu barədə Türkiyə Xarici İşlər Nazirliyinin Fransa Senatında qondarma "Dağlıq Qarabağ Respublikası"nın tanınması barədə tövsiyə xarakterli qətnamə layihəsinin qəbulu ilə bağlı bəyanatında deyilir.

Bəyanatda qeyd olunur ki, bu qətnamə həm də ATƏT-in Minsk Qrupunun münaqişəni niyə bu günə qədər həll edə bilmədiyinin bariz göstəricisidir:

"Qərarda Türkiyəyə ünvanlanan əsassız iddiaları rədd edirik. Fransa Senatının Azərbaycanı işğaldan azad etdiyi öz torpaqlarından çəkilməyə çağırması ciddiyə alınmayan gülünc, qərəzli və qeyri-real anlaşmanın təzahürüdür. Ağıllı düşüncədən məhrum olan və heç bir məntiqlə izah olunmayab bu qərar Fransanın məsələnin həllinə həqiqi mənada töhfə verməsini də məhdudlaşdırır. Ümid edirik ki, Fransa düzgün nəticələr çıxarmaqla bölgənin sabitliyi üçün konstruktiv münasibət göstərəcək. Bunun üçün mövcud həqiqətlərə əsaslanan beynəlxalq hüquqa uyğun qalıcı bir həll yolu tapmaq üçün səy göstərmək kifayətdir. Türkiyə bu münaqişənin həllini təmin edərək regional sülh və sabitliyə töhfə vermək üçün digər tərəfdaşları kimi Fransa ilə birlikdə çalışmağa hazırdır".

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.