Maraqlı

Xiaomi elektromobil istehsalı ilə məşğul olacaq

11 Sentyabr 2021 08:51
0 Şərh     Baxış: 970
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Smartfonlarla yanaşı digər elektron cihazların istehsalı ilə məşhur olan Xiaomi şirkəti elektromobil istehsalı ilə məşğul olacaq şirkətini rəsmi qeydiyyatdan keçirdib. Məlumata əsasən Xiaomi-nin elektromobil istehsalı ilə məşğul olacaq şöbəsi artıq aktiv inkişaf mərhələsinə keçid edib. Beləliklə yeni şirkət Xiaomi EV Inc. adını əldə edib. Onun ilkin büdcəsi isə 1.55 milyard dollar təşkil edir.

Qeyd etmək lazımdır ki, bu ilin mart ayında Xiaomi rəsmi şəkildə elan etmişdi ki, o, elektriklə çalışan nəqliyyat istehsalına növbəti 10 il ərzində 10 milyard dollar investisiya yatırmağı planlaşdırır. Xiaomi-nin məlumatına əsasən şirkətin bu sahəsi ilə məşğul olan filialında artıq 300 əməkdaş çalışır. Bununla yanaşı Xiaomi-nin elektromobil şöbəsinə şirkətin yaradıcısı və CEO-su olan Lei Jun rəhbərlik edir.

Xiaomi onu da qeyd edib ki, elektromobillər ilə məşğul olan şöbə son 5 ay ərzində istifadəçi auditoriyası üzrə irimiqyaslı araşdırma aparıb və bu sahədə çalışan təmsilçilər ilə partnyorluq razılaşmaları əldə edib. Buna baxmayaraq Xiaomi hələ elektromobil və ya elektromobil prototipi təqdim etməyə hazır deyil. Qeyd etmək lazımdır ki, Çinin elektromobil bazarında artıq Nio və Xpeng kimi yerli nəhənglər mövcuddurlar. Həmçinin Tesla şirkəti də Çinin elektromobil bazarında müəyyən bazar payına sahibdir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.