Maraqlı

Əllərə qulluq

24 Oktyabr 2020 08:11
Baxış: 698
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İşlərimizin çoxunu əllərlə gördüyümüz üçün ən çox əllər çirk olur və tez-tez yuyulur. Əlləri tez-tez yuduqda, xüsusən də qış aylarında əlin dərisi quruyur və qabıq verir. Ona görə də əllərini tez-tez yuyan adamlar (həkimlər,ərzaq istehsalatında işləyənlər, bərbərlər) əllərini zərif uşaq sabunu ilə yumalıdırlar. Əllər qurulanandan sonra qliserinli kremlə kremlənməlidir. Eyni ölçüdə götürülmüş qliserin və naşatır spirti qarışımı da əllərin elastikliyinin bərpasında yardımçı olur.
Ev işlərində, istehsalatda əllər tez-tez çirklənirsə, əllərə ya qoruyucu krem çəkilməli, ya da əlcək geyinilməlidir.
Əllərdə irinli xəstəliklər əmələ gəlməsin deyə, əlləri yuduqdan sonra ilıq naşatır spirti məhluluna batırılmış pambıqla silmək lazımdır.
Əlləri kobudlaşmış və qabıq verən adamlar gecə vannaları qəbul eləməlidirlər. 2 litr ilıq suya 2 xörək qaşığı üzüm sirkəsi əlavə edib, əlləri 15 dəqiqə onun içində saxlamalıdırlar.
1,5 litr suya 1 xörək qaşığı qliserin, yarım çay qaşığı naşatır spirti qatıb əlləri 10 dəqiqə saxlamaqla kobudlaşmış dəridən xilas olmaq olar.
Tünd çay, şalfey, palıd dəmləməsi ilə əlləri vanna etmək dəriyə yaxşı təsir bağışlayır.
Tarlada işləyən qadınların əlləri kimyəvi dərmanların və bitkilərin təsirindən cadar-cadar olur və çatlayır. Bunun qarşısını almaq üçün 2 çay qaşığı kartof ununu, 1 stəkan suda bişirməli, 2 litr su ilə qarışdırmalı və ilıq halda vanna etmək lazımdır.
Əllərdə qabar əmələ gəlirsə, həftədə 2-3 dəfə ilıq sodalı su ilə vanna etmək lazımdır.
Əllərin dərisində olan kobudlaşmanı aradan qaldırmaq üçün səhər və axşam limon dilimi ilə əlləri sürtmək lazımdır. Bu dərini yumşaq və hamar edir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.