Texnologiya

Tim Kuk nə vaxt “Apple”dan təqaüdə çıxacaq: İlk açıqlama verdi

6 Dekabr 2024 10:13

Baxış: 1 718

"Apple"ın baş direktoru Tim Kuk Wired jurnalına müsahibəsində təqaüd planları və "Apple"dakı gələcəyi haqqında danışıb.

Milli.Az xəbər verir ki, müsahibədə, nə vaxt təqaüdə çıxacağını soruşduqda, T.Kuk belə cavab verib: "Beynimdəki səs mənə vaxtın gəldiyini söyləyənə qədər çalışacağam".

T.Kuk "Apple"da olmaqdan həzz aldığını və hələlik bu vəzifəni tərk etmək üçün heç bir səbəb görmədiyini bildirib.
Qeyd edək ki, T.Kuk 1998-ci ildən "Apple"da işləyir və şirkətin qurucusu Stiv Cobs ilə sıx işgüzar münasibətdə olub. T.Kuk S.Cobsu "həyatda tanıdığım ən qeyri-adi baş direktor" adlandırıb.

O, S.Cobsun "Apple Park"da varlığını hiss etdiyini və "Apple"da işləməyə davam etməsinin səbəblərindən biri olduğunu söyləyib.

İlqar Şabanov
Milli.Az