Sağlamlıq

Tiflis onlara qadağa qoyur, bizdə isə... - Professor

16 Noyabr 2019 23:55
2 Şərh     Baxış: 2 977

Bir neçə gün öncə Gürcüstanda Həkimlik Fəaliyyətinin İdarə Olunması üzrə Dövlət Agentliyi 6 həkimin fəaliyyətindəki qüsurlar səbəbindən lisenziyasının ömürlük ləğv edildiyi və həkimlik fəaliyyətlərinə son qoyulduğu barədə məlumat yaymışdı.

Məlumatda qeyd olunurdu ki, həkimlik fəaliyyətinə qadağa qoyulmasına səbəb onların səhlənkarlığı nəticəsində xəstə ölümlərinin baş verməsidir.

Azərbaycanda analoji cəzadan niyə istifadə edilmir? Ölümə səbəb olan həkim hətta şərti cəza müddətində belə həkimlik fəaliyyətini necə davam etdirir?

Milli.Az xəbər verir ki, məsələ ilə bağlı axar.az-a açıqlama verən tibb üzrə ekspert, professor Adil Qeybulla bildirib ki, Azərbaycanda həkimlərə fəaliyyət göstərmələri üçün 5-10 illik lisenziya verilir:

"Həmin lisenziyanın müddəti bitdikdən sonra onun bu illər ərzindəki fəaliyyəti yoxlanılır. Həmçinin onun nə qədər əməliyyat etməsi, hansı prosedurları icra etməsi, haqqındakı rəy, nə qədər konfranslarda iştirak etməsi və s. nəzərə alınmaqla yenidən lisenziya verilir.

Düzdür, hazırda ölkəmizdə yalandan reklam edilmək, dələduzluq və s. hallar çoxdur. Bəziləri bu sahədəki qanun boşluğunda sui-istifadə edirlər. Bütün bu hallara nəzarət edilməsi üçün sistem olmalıdır. Biz beynəlxalq praktikaya, qanunlara uyğunlaşmalıyıq ki, sivil nəzarət həyata keçirilə bilsin. Qərbin standartlarını qəbul etməsək, bizdə bu sahədə heç bir ədalətdən söz gedə bilməz. Birinci növbədə İcbari Tibbi Sığorta olmalıdır və həkimlərin peşəkar fəaliyyəti üçün şərait yaradılmalıdır. Yoxsa şou verilişində bəzi həkimləri efirə çıxardılıb, "dünyanın bir nömrəli həkimi" kimi reklam edirlər. Burada hansı ədalət ola bilər? Onlar efirlərə özünü reklam etmək, korporativ maraq üçün çıxır. Həkim fəaliyyətinin izlənməsi məsələsi bu maraqların altında olmalıdır. Əgər korporativ maraq, təmənna hər şeyi üstələyirsə, mizan pozulur".

Milli.Az

loading...

Şərh yaz:

2 Şərh:

  • Anonim
    Zz · 17 Noyabr 09:4430

    Qabil müəlim , hamı deyir olmalıdı , edilməlidi və s. Kim etməlidi ?Bəlkə onu da deyəsiniz ?? Deyəcəksiniz SN yi . SN özü nə gündədi .Onlar heç bir şey edən deyil. Azərbaycan səhiyyəsində çox neqativlər var amma heç kim cəzalanmır. Cinayət var cəza yoxdusa heç nə düzələn deyil.

    Cavab yaz
  • Anonim
    777 · 17 Noyabr 09:5330

    Her gûn cibini pula doldurub evine geden hekim pulsuz eve getme verdisine yiyelene bilmez. Ona göre de tibbi siğortanin geleceyine inanmiram.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.