Dünya

Vuçiç “ofisiant” obrazında: "Bizdə NATO yoxdur" - (Video)

29 Sentyabr 2026 19:15

Baxış: 307

VTB-də minimal faiz dərəcəsi ilə nağd kredit 9.9%-dən

#VİDEO #SERBİA

Qarşıdan gələn parlament seçkilərində hakim Serbiya Tərəqqi Partiyası (SNS) tərəfindən baş nazir vəzifəsinə namizədliyi irəli sürülən Aleksandar Vuçiç seçki kampaniyası çərçivəsində bir videoçarx yayımlayıb.

Milli.Az qafqazinfo-ya istinadən xəbər verir ki, video onun instaqram səhifəsində yerləşdirilib.

Videoda bir ailə restoran masası arxasında əyləşərək sifariş verir. Ailə üzvlərindən biri Rusiyaya qarşı sanksiyaların tətbiq edilməməsini və Kosovonun qorunub saxlanılmasını istəyir, digəri əməkhaqları və pensiyaların artırılmasını tələb edir, üçüncüsü isə Serbiyanın Avropa İttifaqı və NATO-ya üzv olmasını arzulayır.

Daha sonra videoda Vuçiç görünür; o, bütün müddət ərzində müştərilərin "sifarişlər"ini qəbul edirmiş. Vuçiç onlardan birinə "Bizdə NATO yoxdur" deyə cavab verir.

Xatırladaq ki, Aleksandar Vuçiç Serbiya Prezidenti vəzifəsindən istefa verdiyini açıqlayıb.

Qeyd edək ki, Vuçiç daha əvvəl oktyabrın 25-də növbədənkənar parlament seçkilərinin keçiriləcəyini açıqlamış və həmin seçkidə baş nazir vəzifəsinə namizəd olacağını bildirmişdi.

Müəllif: Ülkər Vəliyeva (Milli.Az redaktor)