Sağlamlıq

Yay aylarında xəstəliklərin əsas səbəbləri nədir?

5 İyul 2025 23:16
Baxış: 1 185
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Yay mövsümündə havaların isinməsi ilə bir sıra xəstəliklərin yayılmasında artım müşahidə olunur.

Bəs xəstəliklərin əsas səbəbləri nədir? 

Milli.Az xəbər verir ki, həkimlərin fikrincə, bu dövrdə baş verən xəstəliklərin əsas səbəbləri qida zəhərlənmələri, virus infeksiyaları, günvurma və gigiyenik qaydalara əməl edilməməsidir.

İsti hava şəraitində qida məhsulları daha tez xarab olur. Bu da zəhərlənmə riskini artırır. Xüsusilə küçə satıcılarından alınan düzgün saxlanılmayan məhsullar sağlamlıq üçün təhlükə yaradır. Həkimlər insanlara qablaşdırılmamış və mənşəyi məlum olmayan qidalardan uzaq durmağı tövsiyə edir.

Bundan başqa, yayda hovuz və dənizlərdə infeksiyaların yayılması da sürətlənir. Çimmə sularının təmiz olmaması, həmçinin şəxsi gigiyenaya laqeyd yanaşma mədə-bağırsaq infeksiyalarına və dəri xəstəliklərinə səbəb ola bilər.

Yay aylarında günvurma halları da artır. Xüsusilə uşaqlar, yaşlılar və xroniki xəstəliyi olanlar günorta saatlarında birbaşa günəş şüalarından qorunmalı, bol maye qəbul etməlidir.

Mütəxəssislər yay mövsümündə sağlam qalmaq üçün təmiz su içməyi, düzgün qidalanmağı, gigiyenik qaydalara riayət etməyi və günəş şüalarından qorunmağı tövsiyə edir.

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.