Cəmiyyət

Xırdalanda sakinlər soyuqdan əziyyət çəkir: Qaz nə vaxt veriləcək?

26 Oktyabr 2026 16:12

Baxış: 417

VTB-də minimal faiz dərəcəsi ilə nağd kredit 9.9%-dən

Abşeron rayonu, Xırdalan şəhəri, Mehdi Hüseynzadə küçəsində yerləşən səkkizmərtəbəli binanın sakinləri qaz problemindən əziyyət çəkirlər.

Milli.Az xəbər verir ki, sakinlərin iddiasına görə, onlar ötən il Yusif adlı şəxsə binanın qazlaşdırılması üçün ümumilikdə 31 min manat pul ödəyiblər. Lakin bir ildən çox vaxt keçməsinə baxmayaraq, binaya hələ də qaz verilməyib.

"Qiyasov Yusif 2025-ci il oktyabrın 21-də "Hədəf Tikinti Quraşdırma" MMC-nin ofisində binanı qazla təmin edəcəyinə söz vermişdi. Həmin ofisdə ilkin olaraq 8 min manat pul ödədik və müqavilə bağladıq. Daha sonra hər bir sakindən 1200 manat toplayaraq vəsaitin böyük hissəsini Qiyasov Yusifə təqdim etdik. Lakin o, binanı qazla təmin etmədi. Hazırda mən də daxil olmaqla 44 sakin bu vəziyyətdən narazıdır. Ödədiyimiz pulun aqibətindən də xəbərimiz yoxdur", - sakinlərdən biri bildirib.
"Bir ildən çoxdur bizi get-gələ salıblar. Evdə soyuqdan donuruq. İşıq puluna 120-150 manat ödəyirik, amma evimiz yenə də qızmır", - digər şikayətçi deyib.

Məsələ ilə bağlı Hədəf tikinti quraşdırma şirkətinin direktoru Yusif Qiyasov bildirib ki, 26700 manat pul verilib:

"Müqavilə də var. Azəriqaza da müraciət olunub. Bu binanın sənədləri yoxdur amma biz düzəltmişik. Noyabrda qaz çəkiləcək. Ehtiyac olduğu təqdirdə pullarını geri qaytara bilərik".

Müəllif: Aysel Əkbər (Milli.Az müxbir)