İqtisadiyyat

Aİ Azərbaycanda "yaşıl" iqtisadiyyata keçidi dəstəkləyir

23 İyun 2020 10:11
Baxış: 1 293
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Azərbaycanın kənd təsərrüfatı sahəsində Avropa İttifaqı tərəfindən maliyyələşən məsləhət xidmətlərinin gücləndirilməsi üzrə layihə 26 ay davam edəcək".

Milli.Az xəbər verir ki, bunu Trend-ə BMT Ərzaq və Kənd Təsərrüfatı Təşkilatının (FAO) Azərbaycanda tərəfdaşlıq və koordinasiya ofisinin rəhbəri Melek Çakmak deyib.

Onun sözlərinə görə, bu layihənin məqsədi kənd təsərrüfatı sektorunda indiki və gələcək problemlərə daha yaxşı reaksiya göstərə biləcək səmərəli və dayanıqlı məsləhət xidməti strategiyasının hazırlanmasında hökumətin səylərini dəstəkləməkdir:

"Bizim hədəfimiz Azərbaycan və hökumətinə və xidmət tədarükçülərinə kənd rayonlarında fermer təsərrüfatlarının gəlirlərinin artması üçün daha məqsədəuyğun olan əməliyyat ssitemlərinin, proses və xidmətlərin modernləşdirilməsini keçirməkdə kömək etməkdir".

M.Çakmak bildirib ki, layihə üç müstəvidə işləyir: əlverişli mühit, institusional inkişaf və məsləhətçilərin, məsləhət xidməti rəhbərlərinin, fermerlərin və digər kənd təsərrüfatı innovasiya sistemi subyektlərinin fərdi potensialının yüksəldilməsi.

O əlavə edib ki, FAO Azərbaycanı həm də "Dayanıqlı İnkişaf Məqsədləri" çərçivəsində prioritet hədəflərə nail olunmasında dəstəkləyir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.