İqtisadiyyat

Dolların kursu dəyişir – Manatın məzənnəsi belə olacaq

5 Dekabr 2024 22:16
Baxış: 7 589
VTB-də minimal faiz dərəcəsi ilə nağd kredit 9.9%-dən
#DOLLAR

Hazırda dünya siyasətində aktivlik müşahidə olunur. Fərqli regionlarda münaqişələr alovlanıb. Bu isə istər-istəməz dolların kursu, neft-qaz qiymətlərinə təsirsiz ötüşmür.

Neftin, qazın, xarici valyutanın yaxın vaxtlarda dünya bazarında mövqeyi necə olacaq?

Milli.Az xəbər verir ki, globalinfo.az-a danışan deputat, iqtisadçı Vüqar Bayramov deyib ki, bütövlükdə dünya bazarında volatillik müşahidə olunur.

O bildirib ki, hazırda "Brent" markalı neftin bir barreli 74 dollara təklif olunur:

"Yəni praktiki olaraq mövcud qiymət Azərbaycan üçün məqbul hesab oluna bilər. Amma 2025-ci il üçün fərqli proqnozlar var. Son proqnozlara əsasən, 2025-ci ildə neftin bir barreli 70 dollardan aşağı düşəcək. Əvvəlki proqnozlarda 70-80 dollar göstərilirdi, amma siyasi qərarlar qiymətlərə təsir etdi. OPEC+ öhdəliklərə riayət edib neft hasilatını artırmasa, qiymətlərdə ciddi dəyişiklik olmayacaq".

İqtisadçı qeyd edib ki, dolların kursunda xarici valyutalara nisbətən məzənnədə artım müşahidə edilir:

"Dolların məzənnəsinin səbət valyutalara nəzərən artması gələn il də müşahidə ediləcək.

Azərbaycanda manatın məzənnəsi Mərkəzi Bankın qərarından asılı olacaq. Neft qiymətlərində də dəyişiklik olmasa, manatla bağlı risk olmayacaq".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.