İqtisadiyyat

Azərbaycanda əhalinin hər nəfərinə düşən ÜDM-in həcmi açıqlanıb

12 May 2023 12:56

Baxış: 1 359

VTB-də minimal faiz dərəcəsi ilə nağd kredit 10.49%-dən

2023-cü ilin yanvar-aprel aylarında ölkədə 39986,5 milyon manatlıq və ya əvvəlki ilin eyni dövrü ilə müqayisədə 0,1 faiz çox ümumi daxili məhsul istehsal olunub.

Dövlət Statistika Komitəsindən Milli.Az-a verilən məlumata görə, iqtisadiyyatın neft-qaz sektorunda əlavə dəyər 2,9 faiz azalıb, qeyri neft-qaz sektorunda isə 3,1 faiz artıb.

ÜDM istehsalının 46,8 faizi sənaye, 8,9 faizi ticarət; nəqliyyat vasitələrinin təmiri, 5,5 faizi nəqliyyat və anbar təsərrüfatı, 4,6 faizi tikinti, 2,8 faizi kənd təsərrüfatı, meşə təsərrüfatı və balıqçılıq, 2,1 faizi turistlərin yerləşdirilməsi və ictimai iaşə, 1,5 faizi informasiya və rabitə sahələrinin, 17,6 faizi digər sahələrin payına düşmüş, məhsula və idxala xalis vergilər ÜDM-in 10,2 faizini təşkil edib.

Əhalinin hər nəfərinə düşən ÜDM 3945,5 manata bərabər olub.

Milli.Az