İqtisadiyyat

Avtomobil bazarında vəziyyət necədir? - AÇIQLAMA

4 Avqust 2022 21:18
0 Şərh     Baxış: 1 299
VTB-də minimal faiz dərəcəsi ilə nağd kredit 9.9%-dən
#AVTO

Bu ilin iyul ayında Azərbaycanda yeni avtomobillər 2% bahalaşıb, köhnə avtomobillərin qiymətləri isə dəyişməyib.

Milli.Az "Report"a istinadən bildirir ki, bunu nəqliyyat məsələləri üzrə ekspert Eldəniz Cəfərov bildirib.

Onun sözlərinə görə, bahalaşmaya səbəb dünyada logistika xərclərinin artmasıdır.

Bundan başqa, ekspert deyib ki, ötən ay Azərbaycanda avtomobil satışı əvvəlki aya nisbətən bir qədər az olub: "Azalma həm birinci əl, həm də ikinci əl avtomobil bazarında yaşanıb. İyulda həmişəki kimi birinci əl avtomobil bazarında krossover və mini krossoverlər daha çox satılıb. İkinci əl avtomobil bazarında mühərrik həcmi 1 500 kub santimetr civarında olan sedan və heçbek tipli avtomobillərə üstünlük verilib".

"Bu ayın sonuna qədər bazarda aktivlik aşağı olacaq. Gələn aydan aktivlik yüksəlməyə başlayacaq. Bu proses Azərbaycanın avtomobil bazarına xas olan bir haldır. Mövsümlə əlaqədar həmişə belə olur. Eyni zamanda payızdan ölkədə müxtəlif marka avtomobillərin yeni modellərini görə biləcəyik. Xüsusən də mini krossoverlərin daha çox artacağını gözləyə bilərik", - E.Cəfərov əlavə edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.