İdman

Almaniyada futbolçu qıza görə komanda yoldaşını öldürdü

9 Sentyabr 2026 22:48

Baxış: 239

VTB-də minimal faiz dərəcəsi ilə nağd kredit 9.9%-dən

#FUTBOL

Almaniyada polis komanda yoldaşını zəhərləməkdə şübhəli bilinən 35 yaşlı futbolçu Marius Vetsi həbs edib.

Milli.Az bildirir ki, "TuS Rockenberg" klubunun 30 yaşlı futbolçusu Filipp Laybiq Drezdendə keçiriləcək turnirə gedərkən özünü pis hiss edib. Evə qayıtdıqdan sonra vəziyyəti kəskin pisləşib. O, xəstəxanaya yerləşdirilib və iyunun 16-da həyatını itirib.

Həkimlər əvvəlcə futbolçuların yediyi balığın onun ölümünə səbəb ola biləcəyini düşünüblər. Lakin digər şəxslərdə heç bir zəhərlənmə əlaməti olmayıb. Ekspertiza nəticəsində Laybiqin orqanizmində çoxsaylı orqan çatışmazlığına səbəb olan toksin aşkarlanıb.

Vets sentyabrın 1-də saxlanılıb. İstintaqın versiyasına görə, o, toksini Laybiqin orqanizminə daxil edib. Lakin zəhərlənmənin hansı üsulla həyata keçirildiyi hələ müəyyənləşdirilməyib. Hadisənin motivi də rəsmi şəkildə açıqlanmayıb.

Yerli medianın məlumatına görə, iki futbolçu arasında bir qadına görə münaqişə olub.

Marius Vetsin toyuna hazırlaşdığı da bildirilir. Toy mərasiminin sentyabrın ortalarında keçirilməsi planlaşdırılıb. (lent.az)

Müəllif: Ülkər Vəliyeva (Milli.Az redaktor)