Mədəniyyət

"Son günlər heç kimi tanımırdı, şəkəri 430-a qalxmışdı" - FOTOlar

10 İyun 2021 17:42
Baxış: 4 006
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Koronavirusdan dünyasını dəyişən Xalq artisti Ramiz Əzizbəylinin nəşi hələ ailəsinə təhvil verilməyib.

Milli.Az axşam.az-a istinadən xəbər verir ki, bu haqda mediaya açıqlamasında Xalq artistinin qardaşı oğlu, müğənni Nurlan Əzizbəyli deyib. O bildirib ki, aktyorun harada dəfn ediləcəyi də deyilməyib:

"Əmimin nəşi hələ ki, xəstəxanadadır. Harada dəfn edilməsi ilə bağlı Mədəniyyət Nazirliyindən cavab gözləyirik. Son günlərdə heç bir çarə olmadı, həkimlər əllərindən gələni etdilər. Artıq bir həftəyə yaxındır ki, huşu özündə deyildi. Heç kimi tanımırdı, aparatdan ayırırdılar, amma huşu özünə gəlmirdi.

Yenidən aparata qoşurdular. Son günlər orqanlarının çoxu cavab vermirdi. Koronavirusa yoluxduqdan sonra xəstəxanada infarkt  keçirdi. Şəkəri 430-a qalxmışdı. Üç dəfə insult keçirib, neçə illərdir ki, xəstəliklərlə mübarizə aparırdı. Özünün də, bizim də sağalacağına çox böyük ümidimiz var idi.  Amma ümidlərimiz puç oldu.

Xəstəliyinin ilk günlərində normal idi, sonra pisləşməyə başladı. Nəfəs alması çətinləşdi. Ona görə  palatadan reanimasiya şöbəsinə yerləşdirdilər. Ötən gün axşam saatlarında dünyasını dəyişdi. Şəkər xəstəsi olduğu üçün risk qrupunda idi".

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.