Mədəniyyət

Türkiyəli rejissorun filmi ABŞ-da 5 mükafat qazandı - FOTOlar

9 Aprel 2021 12:44
Baxış: 654

Türkiyəli rejissor Müslüm Şahinin "Muallim" ("Müəllim") filmi "American Golden Picture" Beynəlxalq Film Festivalında böyük marağa səbəb olub.  

Milli.Az qafqazinfo-ya istinadən xəbər verir ki, film "Ən yaxşı film", "Ən yaxşı rejissor işi" kateqoriyaları da daxil olmaqla, beş mükafata layiq görülüb.

Filmin prodüseri Halit Arabacı bildirib ki, çəkiliş komandası ekran işinin iştirak etdiyi birinci beynəlxalq festivalda belə bir uğur qazanmasından hədsiz qürur hissi keçirir.

Qeyd edək ki, film Türkiyənin TRT telekanalı və Mədəniyyət və Turizim Nazirliyinin birgə istehsalıdır. Ekran işinin rejissoru M.Şahin Türkiyədə kinematoqrafiya, ABŞ-da isə rejissorluq üzrə təhsil alıb.  

Filmdə hadisələr XX əsrin əvvəllərində baş verir. Kinolentin qəhrəmanı Fransada təhsil aldıqdan sonra Anadoluda milli dəyərlər səbəbindən həmvətənliləri ilə münaqişəyə girən Əli adlı müəllimdir.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.