Mədəniyyət

Filarmoniyada 20 yanvar faciəsi qurbanlarının xatirəsinə həsr olunmuş anım gecəsi keçirilib - FOTO

23 Yanvar 2025 16:24

Baxış: 411

#MƏDƏNİYYƏT

M.Maqomayev adına Azərbaycan Dövlət Akademik Filarmoniyasının səhnəsində 20 yanvar faciəsi qurbanlarının xatirəsinə həsr olunmuş anım gecəsi keçirilib.

Tədbirdən öncə şəhidlərimizin və Türkiyədə baş vermiş yanğında həlak olanların ruhu bir dəqiqəlik sükutla yad edilib.

Bədii rəhbər və baş dirijor AR-nın xalq artisti Fəxrəddin Kərimovun rəhbərliyi, Q.Qarayev adına Azərbaycan Dövlət Kamera Orkestrinin müşayiəti ilə solistlər - əməkdar artistlər Fəridə Məmmədova, İlham Nəzərov, Anar Şuşalı, Respublika və beynəlxalq müsabiqələr laureatları, Prezident təqaüdçüləri İrina Mehdiyeva, Zərrin Əliyeva dinləyicilər qarşısında çıxış edib.

Proqramda Azərbaycan və Avropa bəstəkarlarının əsərləri səslənib.

İnformasiya dəstəyi - Trend.Az, Day.Az, Milli.Az