Sağlamlıq

Dibaetin erkən əlamətləri - Dəridə belə izlər yaranır

10 Dekabr 2025 20:00

Baxış: 1 593

VTB-də minimal faiz dərəcəsi ilə nağd kredit 9.9%-dən

#DÜNYADA #SAĞLAMLIQ

Qoltuqaltı nahiyəsində dəri qaralması diabetin erkən əlaməti ola bilər.

Milli.Az xəbər verir ki, "Metropoles" nəşrinə danışan ispaniyalı endokrinoloq Larisa Figueiredo bildirib ki, boyun və qoltuqaltı bölgəsində dərinin qaralması və qalınlaşması şəkərli diabetin ən erkən və çox vaxt nəzərdən qaçan əlamətlərindən biridir.

Həkimin sözlərinə görə bir çox insan bu dəyişikliyi natəmizliklə əlaqələndirir, lakin piqmentasiya nə yuyunmaqla, nə də pilinqlə aradan qalxmır. Bu simptom akantoz adlanır və qanda şəkərin artması, toxumaların insulinə həssaslığının azalması fonunda meydana çıxır. Eyni tip dəyişikliklər qasıq nahiyəsi, dirsək bükümləri və döşaltı sahədə də görünə bilər.

Figueiredo qeyd edib ki, belə dəri dəyişiklikləri xəstəliyin ilk mərhələlərində yaranır və diabetin daha aydın simptomlarından əvvəl ortaya çıxa bilər. Digər erkən əlamətlərə gecə güclənən susuzluq hissi, tez-tez sidiyə çıxma və tam yuxuya baxmayaraq keçməyən yorğunluq daxildir.

Mütəxəssis vurğulayıb ki, boyun və qoltuqaltı nahiyəsində qəfil piqmentasiya yaranarsa, bunu diqqətdən kənarda qoymaq olmaz. Erkən müayinə diabetin inkişafını ləngitmək və ağırlaşmaların qarşısını almaq üçün əsas rol oynayır.

İsmayıl
Milli.Az