Mədəniyyət

Filarmoniyada Ceyla Seyidovanın "Qış Tangosu" konserti keçirildi - FOTO

11 Dekabr 2025 00:53

Baxış: 260

VTB-də minimal faiz dərəcəsi ilə nağd kredit 10.49%-dən

M.Maqomayev adına Azərbaycan Dövlət Akademik Filarmoniyasının səhnəsində Əməkdar artisti, beynəlxalq müsabiqələr laureatı Ceyla Seyidovanın "Qış Tangosu" konserti keçirildi. Gecə boyunca tanqo musiqisinin parlaq nümunələri səsləndi və dinləyicilərə unudulmaz emosiyalar yaşadıldı.

Tədbirin əvvəlində pianoçu Samirə Dbila-Budaqova konsertlə bağlı dinləyiciləri məlumatlandırdı. Konsert proqramında Piazzollanın "Fəsillər", "Ave Maria" (Azərbaycanda ilk dəfə), "Vuelvo al sur", "Rio sena", "Chau Paris", "Café 1930", "Oblivion", "Adios Nonino" və "Libertango" kimi məşhur əsərlər həmçinin, pianoçu Ruslan Ağababayevin sərbəst improvizasiyası təqdim olundu.

Konsertdə müxtəlif tərkibdə çıxış edən solistlər - Ülviyyə Dadaşova (piano), Aleksey Miltıx (violonçel), Nərgiz Kərimova (soprano), Samirə Aşumova (piano), Arslan Növrəsli (tar), Raul Hüseynov (bas gitara), Əyyub Əliyev (violonçel), Xəyal Əliyev (akkardeon) və Elvin Bəşirov (zərb alətləri) öz peşəkarlığı ilə seçildilər. Tədbirin xüsusi qonaqları "Baku Tango Embrace" rəqs qrupunun solistləri Vəcihə Səfərəliyeva və Kamran Babayev dinləyicilər tərəfindən maraqla qarşılandı.

İnformasiya dəstəyi - Trend.Az, Day.Az, Milli.Az