Mədəniyyət

Heydər Əliyev Sarayı səhnəsində dünya opera sənətinin şah əsərlərindən biri “Aida” təqdim olundu – VİDEO - FOTO

13 Mart 2026 22:08

Baxış: 290

VTB-də minimal faiz dərəcəsi ilə nağd kredit 10.49%-dən

Heydər Əliyev Sarayı səhnəsində dünya opera sənətinin şah əsərlərindən biri - görkəmli italyan bəstəkarı Cüzeppe Verdinin məşhur "Aida" operası tamaşaçılara təqdim olundu.

Dörd pərdəli opera qədim Misirdə baş verən hadisələr fonunda sevgi, sədaqət, vətənə bağlılıq və insan taleyinin dramatik qarşıdurmasını əks etdirir. Zəngin musiqi dili, monumental səhnə həlli və dərin psixoloji dramatizmi ilə seçilən bu əsər dünya opera irsinin ən parlaq nümunələrindən hesab olunur.

Tamaşanın musiqi rəhbəri və dirijoru Əməkdar artist Əyyub Quliyevdir. Quruluşçu rejissor Gürcüstanın Əməkdar incəsənət xadimi Mixail Kvaliaşvili, rejissor isə Əməkdar incəsənət xadimi Hafiz Quliyevdir. Rəssam Əməkdar incəsənət xadimi Əyyub Fətəliyevdir. Xormeyster Əməkdar incəsənət xadimi Sevil Hacıyeva, baletmeyster isə SSRİ Xalq artisti Qəmər Almaszadədir.

Tamaşanın konsertmeysterləri Daniil Kirillov, Roza Səlimova və İlahə Sadıxzadədir.
Tamaşada Azərbaycan opera səhnəsinin tanınmış solistləri iştirak edəcəklər:

Aida - Əməkdar artist Afaq Abbasova
Radames - Xalq artisti Yusif Eyvazov
Amneris - Xalq artisti Fidan Hacıyeva
Amonasro - Xalq artisti Əvəz Abdulla
Kahin qadın - Xalq artisti Gülnaz İsmayılova
Ramfis - Xalq artisti Əkrəm Poladov
Firon - İqor Yadrov
Carçı - Fəhmin Əhmədli

Tamaşanın təqdimatı paytaxtın mədəni həyatında mühüm hadisələrdən biri olmaqla, tamaşaçılara dünya opera klassikasının ən möhtəşəm nümunələrindən birini canlı şəkildə izləmək imkanı yaratdı.

İnformasiya dəstəyi - Trend.Az, Day.Az, Milli.Az, Azernews.Az