Dünya

110 metrlik asteroid Yerə yaxınlaşır

30 Aprel 2026 15:21
Baxış: 2 419
VTB-də minimal faiz dərəcəsi ilə nağd kredit 9.9%-dən
#ASTRONOMİYA

Nəhəng asteroid mayın ilk həftəsində Yerə yaxınlaşacaq

Bu ilin aprelində aşkarlanan müvəqqəti olaraq 2026 HN1 adlandırılan asteroid mayın ilk həftəsində Yerə yaxınlaşacaq.

Milli.Az xəbər verir ki, NASA və onun Yerə yaxın obyektlərin öyrənilməsi mərkəzi olan CNEOS-un məlumatına görə, yaxınlaşma mayın 6-da baş verəcək.

Proqnozlara əsasən, asteroid Yer ilə Ay arasındakı məsafədən təxminən 9 dəfə uzaq məsafədən keçəcək. Kosmik cismin saniyədə 14 kilometrdən çox sürətlə hərəkət edəcəyi bildirilir. Onun diametri 49 metrdən 110 metrədək qiymətləndirilir.

Alimlər vurğulayırlar ki, hazırkı trayektoriya toqquşma təhlükəsi yaratmır. Bununla belə, bu cür obyektlərin potensial risk daşıdığı qeyd olunur. Quruya düşəcəyi halda regional miqyasda dağıntılar, okeana düşəcəyi təqdirdə isə güclü sunami yarada bilər.

Mütəxəssislər bildirirlər ki, belə obyektlərin müşahidəsi beynəlxalq təşkilatlar, o cümlədən Avropa Kosmik Agentliyi tərəfindən davam etdirilir. Orbitlər dəqiqləşdirildikcə risk ehtimalının daha da azaldığı vurğulanır.

Ayxan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.