Mədəniyyət

“Ölüm xəbərini eşidəndə segah oxudum” - FOTO

25 Oktyabr 2022 18:12

Baxış: 2 344

VTB-də minimal faiz dərəcəsi ilə nağd kredit 10.49%-dən

#MƏDƏNİYYƏT

Xalq artisti Nəzakət Teymurova mərhum xanəndə, Əməkdar artist Süleyman Abdullayevlə bağlı paylaşım edib.

Milli.Az axşam.az-a istinadən xəbər verir ki, sənətçi sosial şəbəkədə birlikdə çəkilən fotolarını yayımlayaraq bunları yazıb:

"Muğam dünyamızın bir yarpağı da töküldü... Dədə Süleymanı da itirdik. Dədə, özümdə güc tapa bilmədim, səni xəstə yatağında ziyarət edim. Sən bizim gözümüzdə qaməti əyilməz Dədə idin. Zalım xəstəlik səni də yatağa saldı. Ağır itkidir sənət üçün. Hər bir xanəndə dünyaya muğamla göz açır, muğamla da köçür. Ölüm xəbərini eşidəndə ruhuna fatihə, sonra isə segah oxudum. Allah rəhmət etsin sənə, Dədə Süleyman!".

Qeyd edək ki, S.Abdullayev oktyabrın 23-də vəfat edib. 83 yaşlı xanəndə uzun müddətdir şəkər xəstəliyindən əziyyət çəkirdi. Onun ayaq barmaqları amputasiya edilmişdi.

Milli.Az