Ölkə

Seçkidən əvvəl media monitorinqinin nəticələri açıqlandı - Trend ilk üçlükdədir

23 Yanvar 2020 16:40
Baxış: 974
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) Seçki Qərargahı 2020-ci il fevralın 9-na təyin edilmiş Milli Məclisə seçkilərin ölkə üzrə monitorinqi çərçivəsində fəaliyyətini davam etdirir.

Milli.Az Trend -ə istinadən xəbər verir ki, yazılı və elektron kütləvi informasiya vasitələrinin AVCİYA tərəfindən aparılan monitorinqi cari ilin yanvar ayının ilk 3 həftəsini (1-21 yanvar) əhatə edir. Monitorinqə "Azərbaycan", "Xalq qəzeti", "Yeni Müsavat", "Xalq cəbhəsi", "Şərq", "Bakı xəbər", "525-ci qəzet", "Yeni Azərbaycan" qəzetləri, eləcə də rus dilində nəşr olunan qəzetlər və saytlar - "Bakinskiy raboçiy", "Nedelya" qəzetləri, Minval.az, 1news.az, Zerkalo.az , Kaspiy.az, AZERTAC, APA, Trend, SƏS (rus dilində) informasiya agentlikləri daxil edilib. Monitorinqdə adı sadalanan KİV-lərdə seçki ilə bağlı xəbərlərin həcmi və təsnifatı yer alıb.

Monitorinqə cəlb etdiyimiz yazılı və elektron KİV-lərdə fevralın 9-da keçiriləcək parlament seçkiləri ilə bağlı informasiyanın həcmi (1-21 yanvar 2020)

1-ci diaqramdan göründüyü kimi, monitorinq müddətində (1-21 yanvar 2020) seçki ilə bağlı informasiyaların ən çox getdiyi KİV-lər arasında liderlik "Azərbaycan" qəzetinə (167 xəbər) məxsusdur, sonrakı yerləri müvafiq olaraq Trend (91 xəbər) və AZƏRTAC (87 xəbər) informasiya agentlikləri tutur. Seçki ilə bağlı ən az informasiya isə "Bakinskiy raboçiy" (4 xəbər), "Nedelya" (3 xəbər) və "525-ci qəzet"də (7 xəbər) gedib.

Fevralın 9-da keçiriləcək parlament seçkiləri ilə bağlı informasiyanın təsnifatı

(1-21 yanvar 2020)

2-ci diaqramda seçki ilə bağlı informasiyanın təsnifatı əks olunub. Monitorinqə cəlb etdiyimiz yazılı və elektron mediada parlament seçkiləri ilə bağlı 472 xəbər, MSK-nın 193 sənədi (Mərkəzi Seçki Komissiyasının qərarları), təbliğat xarakterli 71 material və 30 analitik yazı gedib.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.